Ra’iisul Wasaare ku-xigeenka Dalka oo shir guddoomiyay kulan looga hadlayay Amniga Qaranka “SAWIRRO”

1198

Ra’iisul Wasaare ku-xigeenka dalka Mudane Mahdi Maxamed Guuleed Khadar ayaa maanta shir guddoomiyeyay kulan looga hadlayay arrimaha Amniga Qaranka oo lagu qabtay Muqdisho.

Shirkan oo labaddii biloodba mar la qabto ayaa waxaa diiradda lagu saaraa qodobo ay ka mid yihiin falalka ku saleysan xagjirnimada iyo la dagaallanka kooxaha argagaxisadda ah.

Kulanka waxaa kaloo ka qeyb galay Mas’uuliyiin ka socotay Maamul Gobolleedyada ee arrimahan quseyso,Ururada Bulshada rayidka, deeq bixyaasha Caalamka, Midowga Yurub iyo Dalalka Soomaaliya sidda gaar ah u taageera, waxaana ay dhinacyadu ka doodeen sida qorshaha Amniga Qaranka si waagsan loogu hirgelin lahaa.

Ra’iisul Wasaare ku-xigeenka dalka Mudane Mahdi Maxamed Guuleed ayaa tilmaamay in shirkan uu muhiimad gaar ah u leeyahay horumarinta Amniga Qaranka.

“Waxaan saakay shir isugu yimid Dowladda Federaalka, Mas’uuliyiin ka socday Wasaaradaha Maamul Gobolleedyada ay quseyso arrimahan iyo  Wakiilo ka socday beesha caalamka, shirkaan waxaa lagaga hadlay Qorshaha Amniga Qaranka iyo xoojinta qeyb ka mid ah qeybaha uu ka kooban yahay Qorashaha Amniga Qaranka oo ah la dagaallanka fikirka Xagjirnimada iyo sidii loo wacyigelin lahaa bulshada Soomaaliyeed,” ayuu yiri Mahdi Maxamed Guuleed.

Mashruuca Qorshahan lagu fulinayo ayaa waxaa kala saxiixday Dowladda Soomaaliya iyo Qaramada Midoobay, waxaana dhanka dhaqaalaha ka taageereyso Dowlada Sweden.

 

Did you like this? Share it:

LEAVE A REPLY

Please enter your comment!
Please enter your name here