Ra’iisul Wasaare Rooble oo booqday Askartii Naftood hurayaasha ee ku dhaawacmay Awdheegle iyo Barire

Ra’iisul Wasaaraha Jamhuuriyadda Federaalka Soomaaliya, Mudane Maxamed Xuseen Rooble ayaa caawa booqasho ugu tegey ciidamadii naftood hurayaasha ahaa ee ku dhaawacmay dagaaladii Argagixiaada Nabadiidku ku soo qaadeen saldhigyadii ciidamadeenna ee Awdheegle iyo Bariire ee Gobolka Shabeelaha Hoose.

Ra’iisul Wasaaraha ayaa u rajeeyey naftood hurayaasha difaaca dalkooda u dhaawacmay in Allah caafiyo oo u booga dhayo.

Intii uu booqashada ku jirey Raisal Wasaare Rooble wuxu ku soo wareegay qaybaha kala duwan ee Isbitaalka Xoogga.

Ra’iisul Wasaaruhu wuxu dhaawacyada u ballan qaaday in dowladdoodu hiil iyo hooba la garab taagnaan doonto illaa iyo inta ay ka soo bogsoonayaan.

LEAVE A REPLY

Please enter your comment!
Please enter your name here