Ra’iisul Wasaare Rooble oo ka tacsiyadeeyey geerida Xildhibaan Axmed Casoowe

Ra’iisul Wasaaraha Xukuumadda Federaalka Soomaaliya Mudane Maxamed Xuseen Rooble, ayaa tacsi tiiraanyo leh u diray qoyska, asxaabka iyo Ummadda Soomaaliyeed ee uu ka baxay Alle ha u naxariistee Xildhibaan Axmed Dhimbil Rooble “Casoowe” oo maanta ku geeriyooday magaaladda Muqdisho.

“Waxaan tacsi tiiraanyo leh u dirayaa qoyska, asxaabtii iyo Ummadda Soomaaliyeed ee uu ka baxay Xildhibaan Axmed Dhimbil Rooble (Casoowe). Marxuumka Jannadii Firdowsa Allaha ka waraabiyo ehelkiisana samir iyo iimaan Allaha ka siiyo”. Ayuu yiri Ra’iisul Wasaare Rooble.

Allaha u naxriistee Xildhibaan Axmed Dhimbil Rooble (Casoowe) ayaa ka mid ahaa Xildhibaannada Golaha Shacabka ee Baarlamaanka 10-aad.

 

 

 

LEAVE A REPLY

Please enter your comment!
Please enter your name here