Ra’iisul wasaare Rooble oo u hambalyeeyay Guddoonka loo doortay Gudidda hirgelinta doorashada Gobalada Waqooyi

Ra’iisul Wasaaraha Xukuumada Federaalka Soomaaliya mudane Maxamed Xuseen Rooble, ayaa u hambalyeey Guddoonka Guddiga Doorashada gobalada waqooyi/Somaliland ee  maanta oo Sabti ah la doortay. 

Ra’iisul Wasaaraha ayaa ku booriyay xubnaha guddoonka la doortay in ay dargaliyaan sida ugu dhaqsaha badan doorashooyinka  iyaga oo kaashanaya Guddiga heer Federal ee FEIT.

Maxamed Xuseen Rooble Ra’iisul, Wasaaraha Xukuumada Federaalka Soomaaliya ayaa sheegay in uu sii wadi doono waan waantii uu ka dhex waday siyaasiyiinta Somaliland ee ay kala hogaamiyaan Guddoomiye Cabdi Xaashi iyo Ra’iisul Wasaare ku-xigeen Mahdi Guuleed.

Ra’isul Wasaare Rooble ayaa dadaal iyo waqti badan galiyay sidii isfaham uu kala dhex dhigi lahaa garabyada Siyaasadda Somaliland si loo hirgaliyo doorashada xubnaha Baarlamaanka ee ka soo jeeda gobalada Waqooyi oo ay ugu horreyso hirgalinta doorashada aqalka sare.