Ra’iisul Wasaare Sharma’arke oo kulan la qaatay Xildhibaanada laga soo doortay Jubbaland “SAWIRRO”

Ra’iisul Wasaaraha Xukuumadda Federaalka Soomaaliya Cumar C/rashiid Cali Sharma’arke oo maanta kulan kula qaatay magaalada Kismaayo Xildhibaannada labada Aqal ee laga soo doortay dowlad-goboleedka Jubbaland ayaa kala hadlay Aayaha iyo horumarinta dalka.

Kulanka oo ay saxaafadda dibadda ka joogeen ayaa markii uu soo dhamaaday waxaa warbaahinta la hadlay Ra’iisul Wasaare Cumar C/rashadii, isagoo mar kale ku celiyey inuu yahay Musharrax u taagan xilka Madaxweynenimo, wuxuuna dhanka kale  faahfaahin ka bixiyey waxyaabihii ay ka wada hadleen mudanayaasha kasoo jeeda Jubbaland

“Waxaan Xildhibaanada kala hadlay sidii Barlamaanka soo socda uu uga fogaan lahaa is qabqabsi iyo sidii Ummadda Soomaaliyeed dib u heshiisiin loogu sameyn lahaa isla markaasna Amniga loo adkeyn lahaa iyo sidii nidaamka Federaalka looga dhigi lahaa mid u shaqeeya dalka iyo dadka” ayuu yiri Ra’iisul wasaaraha oo dhanka kale sheegay iney muhiim tahay in la hormariyo dhaqaalaha dalka, isla markaasna dhallinyarada shaqo abuur loo sameeyo.

Ra’iisul Wasaaraha oo muddo laba casho joogay magaalada Kismaayo ayaa dhanka kale wuxuu kulan la qaatay xubnaha maamulka Jubbaland. Wuxuuna gelinkii dmabe ee maanta u ambabaxay magaalada Nairobi ee xarunta dalka Kenya.

vlcsnap-2016-12-02-18h39m19s114 vlcsnap-2016-12-02-18h38m29s125 vlcsnap-2016-12-02-18h38m52s105 vlcsnap-2016-12-02-18h39m00s180 vlcsnap-2016-12-02-18h39m08s6 vlcsnap-2016-12-02-18h39m33s254 vlcsnap-2016-12-02-18h39m57s242 vlcsnap-2016-12-02-18h40m13s146

 

LEAVE A REPLY

Please enter your comment!
Please enter your name here