Ra’iisulwasaare ku xigeenka dalka oo soo booqday xarunta wasaaradda warfaafinta-Sawirro

0
2683

Ra’iisulwasaare ku xigeenka xukuumadda federaalka Soomaaliya Mudane Maxamed Cumar Carte oo maalintii labaad ku gudaha jira kormeer uu ugu kuurgalayo sida ay u socoto shaqada wasaaraha dowladda ayaa maanta soo kormeerey xarunta wasaaradda warfaafinta dalka.

Mudane Maxamed Cumar Carte Ra’iisulwasaare ku xigeenka dalka ayaa kormeerey qeybaha ay wasaaraddu ka kooban tahay sida xafiisyada kala duwan iyo qeybaha kale sida qeybta Tvga qaranka, Radio Muqdish,keydka iyo xafiisyada ay howlwadeenada warbaahinta qaranka ku shaqeeyaan.

Kormeerkan ayaa intii uu ku guda Ra’iisulwasaare ku xigeenka waxaa ku wehliyay wasiir ku xigeenka wasaaradda warfaafinta, wasiiro dowlaha, wasiirka Kalluumeysiga iyo Kheyraadka badda iyo qaar kamid ah agaasimiyaasha waaxyada wasaaradda.

Mudane Maxamuud Cabdi Xasan “ Beegoos” wasiiro dowlaha wasaaradda warfaafinta, Dhaqanka iyo Dalxiiska xukuumadda Soomaaliya ayaa Ra’iisulwasaare ku xigeenka ugu warbixiyay shaqooyinka kala duwan oo ka socoda wasaaradda, isagoo sheegay in shaqaalaha wasaaradda warfaafinta ay yihiin kuwo shaqeeya waqti ka badan shaqaalaha kale ee wasaaradaha dowladda.

Ra’iisulwasaare ku xigeenka dalka Mudane Maxamed Cumar Carte ayaa sheegay in kormeerkan uu qeyb ka ahaa kormeer uu ku sameeyay wasaaradaha dowladda Soomaaliya isla markaana ugu kuurgalayay sida ay u socoto shaqada wasaaradaha xukuumadda dalka.

Mudane Carte ayaa sidoo kale sheegay in wasaaradaha uu kormeerey ay kamid ahaayeen wasaaradaha Kalluumeysiga, Haweenka, arimaha gudaha, wasaaradda warfaafinta iyo kuwo kale, isagoo bogaadiyay sida ay u socoto shaqada wasaaradaha uu kormeerey.

DSC03641 DSC03642 DSC03647 DSC03649 DSC03650 DSC03651 DSC03652 DSC03655 DSC03657 DSC03660 DSC03670 DSC03677 DSC03679 DSC03680 DSC03682 DSC03683  DSC03697 DSC03704 DSC03705 DSC03706 DSC03708 DSC03709 DSC03711   DSC03720 DSC03723 DSC03727 DSC03729 DSC03731 DSC03735 DSC03742 DSC03747 DSC03750 DSC03751 DSC03752 DSC03756  DSC03760 DSC03761   DSC03768  DSC03773  DSC03787 DSC03793

Sawir Qaade: Farxaan Suleymaan Daahir

Did you like this? Share it:

LEAVE A REPLY

Please enter your comment!
Please enter your name here