Ra,isul wasaare ku xigeenka Soomaaliya oo shir gudoomiyay Shir looga hadlayay mashaariicda hormarineed ee dalka ka socda

Shirkaan bilaha ah ee u dhexeeya Dowladda Soomaaliya iyo Beesha Caalamka SDRF ee looga hadlo mashaariicda hormarineed ee Soomaaliya ayaa waxaa shir guddoomiyay Ra,isul wasaare ku xigeenka XFS Mudane Mahdi Maxamed Guuleed {Qadar} kaa oo maanta dalka dib ugu soo laabtay waxaana ka qayb galay qaar ka mid ah xubnaha golaha wasiirada XFS, wakiilo ka socday Dowlad gobaleedyada, Gobalka Banaadir iyo Wakiilo ka socday beesha caalamka .

 

Shirka waxaa warbixin looga dhageestay mas’uuliyiinta Dowladda Soomaaliya uga qayb galay shirka iyo wakiilada ka socday dowlad Gobaleedyada iyo Gobolka Banaadir sidoo kale xubnaha beesha caalamka waxaana dowlada Soomaaliya ay halkaa ku soo bandhigtay tubaha afarta ah ee kala ah siyaasada loo dhanyahay Amniga, Cadaalada, Arrimaha bulshada iyo Dhaqaalaha iyo hormar la gaaray sanadkaan dhamaadka ah ee 2018- ka.

“Shirkaan waa shir bille ah waxaana maanta shir guddoominayay Ra,isul wasaare ku xigeenka dalka waxaa diirada lagu saaray hormarkii la gaaray sanadka 2018 ka waxaan soo bandhignay tubaha afarta ah ee saldhiga u ah shaqada Xukuumadda sida tubta amniga iyo cadaaladda  tubta siyaasada loo dhanyahay tubta dhaqaalaha iyo tubta arrimaha bulshada muhiimad weyn ayuu u lahaa shirkaani Soomaaliya”ayuu yiri Wasiirka Cadaaladda.

Dhowr Jeer oo hore ayaa sidaan oo kale loo qabtay Shirkaan SDRF ee looga hadlo mashaariicda hormarineed ee dalka ka socota, dowladda Soomaaliya ayaana hadda u wajahaysa  si ka duwan  bilihii tagay  mashaariicda Soomaaliya soo diyaarsato ee ay la timaado ayaa la fulin doonaa halka markii hore aysan sidaa ahayn  waxaana taasi ay muujineysaa in talaabo horay loo qaaday sanadihii ugu dambeeyay.

Did you like this? Share it:

LEAVE A REPLY

Please enter your comment!
Please enter your name here