Ra’isul wasaarihii dalka Ivory Coast oo Geeriyooday isagoo da’diisu aheyd 61 sano

Ra’iisul wasaaraha dalka, Ivory Coast Amadou Gon Coulibaly, isla markaana ahaa musharaxa xisbiga dowladda doorashada madaxtinimada October ayaa geeriyooday Arbacadii, ka dib maalmo markii uu ka soo laabtay dalka France oo muddo labo bilood ah lagu dabiibayay.

61 sano jirkan ayaa 2012 waxaa lagu sameeyay qaliin dhanka wadnaha ah, waxaana la soo qabtay xilli uu ku jirey shirka todobaadlaha ee golaha wasiirada, ka dibna waxaa loola cararay isbitaalka halkaas oo uu ku geeriyooday, sida uu sheegay afhayeenka madaxweyne Alassane Ouattara.

Geerida Mr. Coulibaly ayaa abuureysa hubaal la’aan ku aadan doorashada dalka Ivory Coast, oo ah dalka adduunka ugu soo saarka badan geedka cocoa, kaas oo hadda xasilooni ku soo laabanayso ka dib sanado deganaansho la’aan ah oo dalkaas oo maray iyo dagaalkii sokeeye oo ay ku dhinteen 3,000 oo ruux.

Madaxweyne Ouattara oo bayaan soo saaray ayaa Coulibaly ku sifeeyay ” walaalkeyga iga yar, wiilkeyga ” waxaan siyaasadda jaal ku aheyd 30 sano.

Ouattara ayaa Coulibaly u magacaabay musharaxa xisbiga RHDP bishii Maarso ka dib markii uu shaaciyay in uu ka tanaasuley ka qeybgalka tartanka doorashada.

Xisbiga RHDP ayaa talada dalkaas hayay tan iyo markii ay dhacday doorashadii lagu murmay 10 sano ka hor taas oo natiijadeeda diiday madaxweyne Laurent Gbagbo.

Sidoo kale, dhimashada Coulibaly ayaa xisbiga talada haya dhexdiis ka abuureysa muran ah cidda bedeleysa, iyadoo wararka qaar sheegayaan in wasiirka gaashaandhigga Hamed Bakayoko lagu bedeli doono.

Halka dad kalena ay qabaan in madaxweyne Ouattara qudhiisa laga yaabo in uu isku soo taago jada marka la waayo qorshe labaad ama “plan B”.

LEAVE A REPLY

Please enter your comment!
Please enter your name here