Rasul wasaaraha Australia Mr Turnbull oo ay Xubno ka tirsan xisbigiisa  ka so horjeestay

32

Raysalwasaaraha Australia Malcom Turnbull ayaa maanta sheegay inuu iska difaaci doono kooxda ka tirsan xisbigiisa ee dooneysa inuu xilka isaga dego, kadib markii ay iscasileen tiro Wasiiro ah.

Xildhibaanada ka soo horjeed ayaa hogaaminayo Wasiirkii hore ee arrimaha Guddaha Peter Dutton ayaa doonaya inay la wareegaan hogaanka xisbi Xaakimka isla markaana Malcom Turnbull uu isaga dego xilka Raysalwasaaraha.

Talaadadi  codeyn   xisbiga Liberalka ee talada haya uu codka kalsoonida ku helay Raysalwasaare Turnbull, balse maalin kadib ayey xubno kamid ah taageerayaashiisii ku biireen kooxda uu hogaaminayo Mr.Dutton.

Waxaa kamid ah xubnaha hada ku biiray mucaaridkiisa Wasiirka Maaliyada Mathias Cormann kaasi oo xilka iska casilay, isla markaana sheegay in Peter Dutton uu yahay ninka u qalma hogaaminta xisbigaasi kahor intaan la gaarin doorashada guud ee dalkaasi ka dhaceysa sanadka soo socda.

si kastaba Malcolm Turnbull ayaa ka badbaaday mooshin kalsoonida lagala laabanayo oo ay u qaadeen xubnaha xisbiga uu ka tirsan yahay, balse ninka kasoo horjeeda ee Peter Dutton ayaa dalbanaya in mar labaad loo codeeyo, asagoo ku kalsoon in hadda uu taageero ka haysto aqlabiyadda xildhibaannada xisbiga talada haya.

Saacadihii ugu dambeeyay ayaa waxaa iscasilay wasiiradda maaliyadda iyo shaqaalaha ee xukuumadda Australia, kuwaasoo doonaya inay ku qasbaan in Malcolm Turnbull uu xilka wareejiyo.

Qaar badan oo ka mid ah shacabka Australia ayaa filaya in isla maanta uu dalkooda yeelan doono ra’iisal wasaare cusub kaasoo noqon doona kii lixaad ee xilka qabta muddo 10 sano gudahood ah.

 

 

Did you like this? Share it:

LEAVE A REPLY

Please enter your comment!
Please enter your name here