Real Oo Xaqiijisay In Ronaldo Uu Ku Biiri doono Juve

0
554

Real Madrid ayaa xaqiijisay in Cristiano Ronaldo uu ku biiri doono xili ciyareedka soo socda Kooxda Juventus oo ka dhisan horyaalka Talyaaniga.

Ronaldo oo 33 sano jir ah ayaa lagu wadaa in uu kaga dhaqaaqo kooxda Real Madrid 105 Milyan oo lacagta Ingiriiska ah waxaana uu soo gaba gabeyn doono 10 sano uu ku sugnaa magalada Madrid oo ay ka dhisan tahay Kooxda Real.

War qoraal ah oo ay shaaciyeen kooxda Real madrid ayeey ku sheegen in Ronaldo uu baaqi ku sii ahaan doono qalbiyadooda.

Qiimaha lacageed oo Juventus  kula wareegtay Ronaldo ayaa noqon doono kii ugu badnaa oo kooxda ay ku soo iibsato Ciyarayahan waxaana uu ka sare mari doono 75.3 Milyan oo ay ku soo iibsadeen Gonzalo Higuin oo ahaa xidiga lacagta ugu badan ay ku soo iibsadeen tariikhda inta ay dhisneyd kooxda ka dhisan magalada Torino halkaasi oo noqon doonto magalada cusub ee Cristiano Ronaldo oo ah xidiga ugu magaca dheere xidigaha ciyaara kubada cagta waana waxaana uu la simad yahay Messi oo shan jeer ku guuleystay laacibka ugu wanaagsan dunida.

Ronaldo waxaa ku biiray kooxda Real madrid sanadkii 2009 xiligaasi uu isaga dhaqaaqay kooxda Manchester United oo ka dhisan horyaalka Ingiriiska, xiligaasi wixii ka danbeyay wuxuu ahaa mid ku qanacsan magalada madrid hada ayeeyna soo gaba gaboowday ayadoo uu halkaasi ku soo dhaliyay 451 gool waxaana tiradaasi ay ka dhigan tahay in Ronaldo uu haatan yahay Ciyarayahanka Goolasha ugu badan u dhaliyay kooxda Real madrid tariikhda inta ay dhisan tahay ayadoo wararka suuqa kala iibsiga ay sheegayaan in badalka Ronaldo uu noqon doono Neymar oo Paris oo ka dhisan Faransiiska u ciyaaro.

Did you like this? Share it:

LEAVE A REPLY

Please enter your comment!
Please enter your name here