Roma oo Bareejo Lagu Celiyay iyo Kooxaha Milan,Lazio iyo Empoli oo Badiyay

0
710

Kooxda Hellas Verona ayaa garoonkeeda Stadio Marc’Antonio Bentegodi barbardhac 1-1 ah kula gashay kooxda Roma.

Kooxda Roma ayaa goolka la hor martay,waxaana daqiiqadii 26-aad ee ciyaarta u dhaliyay ciyaaryahan Francesco Totti.

Ciyaaryahan Seydou Keita ayaa daqiiqadii 38-aad ee ciyaarta gool bareejo ah ka dhaliyay kooxdiisa Roma,sidasi ayaana lagu kala nastay qeybtii hore ee ciyaarta.

Kooxda Roma ayaa kaalinta labaad uga jirto kala horeynta horyaalka talyaaniga ee Serie A-da,waxana ay leedahay 48-dhibcood,halka kooxda Hellas Verona ay horyaalka uga jirto kaalinta 15-aad,iyadoo ay leedahay 25-dhibcood.

Kooxda Lazio ayaa garoonkeeda Olimpico 2-1 uga badisay kooxda Palermo.

Kooxda Palermo ayaa goolka la hor martay,waxaana daqiiqadii 26-aad ee ciyaarta u dhaliyay ciyaaryahan Paulo Dybala.

Ciyaaryahan Stefano Mauri ayaa daqiiqadii 33-aad ee ciyaarta goolka bareejada u dhaliyay kooxda Lazio,sidasi ayaana lagu kala nastay qeybtii hore ee ciyaarta.

Ciyaaryahan Antonio Candreva ayaa daqiiqadii 78-aad ee ciyaarta goolka guusha u dhaliyay kooxda Lazio.

Kooxda Lazio ayaa kala horeynta horyaalka talyaaniga uga jirto kaalinta afaraad,waxana ay leedahay 40-dhibcood,halka kooxda Palermo ay horyaalka uga jirto kaalinta sagaalaad,iyadoo leh 33-dhibcood.

Kooxda AC Milan ayaa garoonkeeda San Siro 2-o uga badisay kooxda Cesena.

Kooxda AC Milan ayaa goolka la hor martay,waxaana daqiiqadii 23-aad ee ciyaarta u dhaliyay ciyaaryahan Giacomo Bonaventura,sidasi ayaana lagu kala nastay qeybtii hore ee ciyaarta.
Cele
Ciyaaryahan Giampaolo Pazzini ayaa dhamaadkii ciyaarta goolka labaad oo rigoore ahaa u dhaliyay kooxda AC Milan.

Kooxda AC Milan ayaa kala horeynta horyaalka talyaaniga uga jirto kaalinta sideedaad,waxana ay leedahay 33-dhibcood,halka kooxda Cesena ay ka mid tahay sedaxda kooxood ee horyaalka ugu hooseeya.

Kooxda Empoli ayaa garoonkeeda Carlo Castellani 3-0 uga badisay kooxda ChievoVerona.

Kooxda Empoli ayaa goolka la hor martay,waxaana daqiiqadii 22-aad ee ciyaarta u dhaliyay ciyaaryahan Daniele Rugani,sidasi ayaana lagu nastay qeybtii hore ee ciyaarta.

Ciyaaryahan Massimo Maccarone ayaa bilowgii qeybtii labaad ee ciyaarta goolka labaad u dhaliyay kooxda Empoli.

Ciyaaryahan Massimo Maccarone ayaa daqiiqadii 67-aad ee ciyaarta goolka sedaxaad u dhaliyay kooxda Empoli.

Kooxda Empoli ayaa kala horeynta horyaalka talyaaniga uga jirto kaalinta 14-aad,waxana ay leedahay 27-dhibcood,halka kooxda ChievoVerona ay horyaalka uga jirto kaalinta 16-aad,iyadoo leh 24-dhibcood.

Did you like this? Share it:

LEAVE A REPLY

Please enter your comment!
Please enter your name here