Roobab Dad ku laayay Dalka Tansaaniya

0
945

14 Qof ayaa ku geeriyootay, tiro kalena waa lagu la’yahay daadad ka dhashay Roobab lixaad leh oo ka da’ay qaybo ka mid ah Dalka Tansaaniya.

Roobabkan oo intooda badan ka da’ay Magaalada Dar es Salaam ee Caasimadda Dalka Tansaaniya ayaa sidoo kale waxyeello soo gaarsiiyay dhismayaal iyo Gaadiid kala duwan sida uu saxaafadda u sheegay madaxa Ciidanka Booliska ee Dares salam; Lazaro Mambosasa.

Guddoomiyaha Gobolka dares salam , Paul Makonda ; ayaa amray in la xiro qaar  ka mid ah Dugsiyada hoose dhexe ee Caasiamadda, wuxuuna Shacabka ka codsaday inay ka fogaadaan meelaha ay ku badan yihiin daadadka si loo yareeyo qasaaraha ay geysteen Roobabka.

Roobab aad loogu diirsaday isla markaana saamayn ku yeeshay nolosha Dadka ayaa dhawaan ka curtay qaybo ka mid ah Waddamo dhaca Bariga Afrika, kuwaasoo yareeyay abaarihii ka taagnaa Gobolka.

Isha/ Daily Nation

Did you like this? Share it:

LEAVE A REPLY

Please enter your comment!
Please enter your name here