Roobab lagu diirsaday oo saacadihii lasoo dhaafay ka da,ay Gobolada Hiiraan iyo Galguduud

1490

Wariyaasha Warbaahinta Qaranka ee kaga Soo warama Gobolada Hiiraan iyo Galguduud C/shakuur Cismaan Cali iyo Maxamed-deeq Cabdi Maxamed ayaa soo sheegaya in roobabkaan oo ay ku diirsadeen dadka iyo duunyada ay dhaqdaan saacadihii lasoo dhaafay ay ka da,een Goboladaasi.

C/shakuur Cismaan Cali oo kaga soo warama Gobolka Hiiraan ayaa soo sheegaya saaka in deegaano ka tirsan Gobolkaasi ay ka da,een Roob ay siweyn ugu diirsadeen bulshada deegaanada ka tirsan Gobolkan Hiiraan ee Roobku ka da,ay waxaa ka mid ah deegaanka Farlibaax iyo deegaano kale oo hoos yimaada.

Dhanka kale Maxamed-deeq Cabdi Maxamed ah Wariyaha Warbaahinta Qaranka ee Gobolka Galguduud ayaa sheegaya in Gobolkaasi uu ka da,ay Roob ay ku diirsadeen bulshada Galguduud kaasoo Biyo dhigay meelaha ay Biyihu galaan.

Deegaanada uu ka da,ay Roobka ee Gobolka Galguduud ayaa waxaa ka mid ah Magaalada dhuusamareeb ee Xaruunta Gobolka Galguduud ee bartamaha Soomaaliya.

Roobabkaan ka da,ay qaar ka mid ah Gobolada Dalka Soomaaliya ayaa kusoo beegmada xili inta badan ay Gobolada Dalka ay ka jirtay Abaar saamayn xun ay ku yeelatay bulshada Soomaaliyeed gaar ahaan kuwa Beeralayda iyo Xoola dhaqatada ku nool dhulka miyiga ah.

Did you like this? Share it:

LEAVE A REPLY

Please enter your comment!
Please enter your name here