Roob lagu diirsaday oo caawa ka da’aya Cadaado

2292

Roobab Mahiigaan ah oo ay ku diirsadeen dadka iyo duunyada ayaa caawa ka da’aya magaalada Cadaado.

Roobkan oo saacado badan da’ayay ayaa xareedda waray magaalada Cadaado iyo deegaannada miyiga ah ee ku dhow, iyadoo roobkani uu ku soo aadayo xilli abaar iyo biyo la’aan ka jirtay deegaannadan.

Isgaarsiinta Intarnetka degmada Cadaado ayaa caawa hawada ka baxday,  kadib markii ay waxyeello ka soo gaartay Danabka ama Biriqda  roobka caawa ka da’aya magaalada cadaado.

Dhinaca kale cutubyo ka tirsan ciidanka AMISOM ayaa gaaray magaalada Cadaado oo marti gelineysa shirka maamul u sameynta gobollada dhexe, oo halkaasi ka furmi doona 11-ka bishan.

Sdioo kale magaaladaasi ayaa waxaa ka muuqda diyaargarowgii ugu dambeeyay ee lagu soo dhaweynayo ergada shirka, halka qaar ka mid ah ergooyonka shirka ay hore u gaareen magaaladaasi.

Ciidamada AMISOM ee gaaray magaaladaasi ayaa ka qeyb qaadan doona sugidda amaanka goobta lagu qabanayo shirka maamul u sameynta gobollada Galgaduud iyo Mudug.

 

Did you like this? Share it:

LEAVE A REPLY

Please enter your comment!
Please enter your name here