Roobab mahiigaan ah oo maanta saacado badan ka da’ay gobolka Galgaduud{SAWIRRO}

0
3752

Roob saacado socday oo aad loogu diirsaday ayaa maanta ka da’ay magaalada Cadaado iyo deegaanada hoos yimaada, iyadoo Roobku uu biyo dhigay wadooyinka iyo baliyada.

Roobka oo aad u xooganaa ayaa xilligii uu socday waxaaa yaraaday dhaqdhaqaaqa ganacsi iyo socodka gaadiidka iyo dadweynaha  waxaana jidadka qaarkood ka sara maray biyaha xawliga ku socda ee roobka.

Ilaa iyo hadda lama soo sheegin wax qasaare ah oo roobkan uu geystay sida uu Radio Muqdisho u sheegay Gudoomiye ku xigeenka degmada Cadaado Nuur Yarow Xayle.

Gudoomiye ku xigeenka ayaa bulshada deegaanka ugu baaqay in ay ka shaqeeyaan nadaafada iyo bilicda magaalada maadaama uu halkaa ka socdo shirka maamul u sameynta gobolada Mudug iyo galgaduud oo ay ergo fara badani ku sugan yihiin magaladaas.

Xilli roobaadkan Gu’ga ayaa si wayn sanadkan kaga da’ay gobolada dhexe, waxaana la filayaa in arrintaasi ay sara u qaado heerka nololeed dadka iyo duunyada gaar ahaan xoolo dhaqatada ah.

DSC05326 DSC05327 DSC05329 DSC05332 DSC05333 DSC05336 DSC05342 DSC05345 DSC05350 DSC05351 DSC05352 DSC05353 DSC05358 DSC05359 DSC05360 DSC05368 DSC05369 DSC05376 DSC05378 DSC05379

 

SAWIR QAADE MAXAMUUD CABDI DIIRSHE 

Did you like this? Share it:

LEAVE A REPLY

Please enter your comment!
Please enter your name here