Roobka guga oo ka curtay qeybo badan oo ka mid ah Gobollada Dalka

Durdurada xareeda iyo da’mada is xigxigta ee daruuraha ayay ku diirsadeen dad iyo duunyaba, kadib roobka guga oo ka curtay maalmahan qaybo badan oo ka mid ah Gobollada Dalka.

Neecaawda qaboow iyo dagsiimada wacan ee ee meelaha qaar laga dagey waa mid aan dadka wada gaarin oo wali Deegaannada qaar ayaa wajahaya jiilaal adag iyo oon saameeyay dadka iyo duunyada ku dhaqan tuulooyin ka fog magaalooyinka.

Deegaannada Xundhure iyo afwayne banaan oo hoostaga magaalada Dhuusamareeb ayaa ka mid ah kuwa biyo yaridu ka jirto, Waxaana halkaasi gaarey dhowr booyadood oo ay ku deeqday hey’adda barako oo usoo wakiilatey dhallinyarada damqasho oo hore Duruufaha Deegaankan ka jira dadka ula wadaagey.

Bulshada Deegaannada ku dhaqan oo Alle ka rajeeyay in raxmadiisa roobka uu ku oon tiro ayaa u mahadceliyay Dhallinyarada isku abaabushey in ay soo caawiyaan.

Farxiya Ciise Maxamuud iyo xubno ka mid ah Dhallinyarada deegdan hormuudka ka aheyd ayaa ka waramey abaabulkan iyo Deegaanada ay ugu talagaleen in biyo dhaaminta lagu gaarsiiyo.

Roobka guga ee ka curtay todobaadkan Deegaanno badan oo ka tirsan Galmudug inkastoo uusan kala gaarin guud ahaanba Deegaannada hadana waa mid dadka oo la ildarnaa jiilaal kulul ay Alle kaga mahdiyeen raxmadiisa

LEAVE A REPLY

Please enter your comment!
Please enter your name here