RW Kheyre: Bogga cusub ee siyaasada Soomaaliya (Qormo)

Ra’isulwasaaraha xukuumadda Federaalka Soomaaliya Xasan Cali Kheyre waxaa xilka ra’isulwasaaraha loo magacaabay 23 Febraayo 2017 kii 15 maalmood kadib doorashada Madaxweynaha Jamhuuriyadda Federaalka Soomaaliya.

Maalmo ka hor waxay aheed sadax guuradii ka soo wareegtay magacaabstiisa waa ra’isulwasaariha ugu waqti dheer marka laga hadlayo joogista kursiga wasiirka koowaad ee xukuumadda Federaalka 20 kii sano ee la soo dhaafay.

Tani waxa ay ku timid wadashaqeynta Madaxweynaha Jamhuuriyadda federaalka Soomaaliya Maxamed Cabdullaahi Farmaajo iyo Ra’isulwasaare Kheyre

Waxa dhalisay guulaha laga gaaray hannaanka dhismaha dowladnimada Soomaaliya sida

  • Dib u habeynta nidaamka maamulka maaliyada oo suura galiyaya kordhinta daqliga dalka, bixinta mushaaraadka shaqaalaha, bixinta iyo kordhinta mushaaraadka Ciidanka qaranka, kordhinta miisaaniyada dowladda, caalamka oo aaminay nidaamka maaliyadeed ee Soomaaliya iyo guusha Soomaaliya ka gaartay wadahadalka deyn cafinta oo heer gabogaba ah maraya.
  • Dib u habeynta Hey’adaha Amniga sida: Tirakoobka Ciidanka qaranka si loo hubiyo xaqa ciidanka, kordhinta mushaaraadka ciidanka oo askari walbaa loogu daray mushaarkii uu qaato 70 doolar, dib u dhiska iyo tayaynta ciidanka, iyo xaqiijinta in goobaha laga xoreeyo argagixisada ay ku nagaadaan ciidanka qaranka.
  • Dib u habeynta shaqaalaha rayidka ah sida: tirakoobka Shaqaalaha si loo hubiyo inaanu hal qofi mushaaraad joogta ah ka qaadan laba hey’adood oo dowli ah waxaana tirakoobkaasi ku soo baxay dad aad u badanoo oo laba mushaar ka badan qaadanayay.
  • Waxaa Meesha ka baxay isqabqabsigii Madaxweynaha iyo Ra’isulwasaaraha iyo mooshinkii joogtada ahaa ee ka dhanka ahaa xukuumada ee ka iman jiray  Barlamaanka waxaana badalay wadashaqeyn iyo wadajir.

Waxaa muuqda waa aragti mideysan oo Madaxweynaha iyo ra’isulwasaaruhu leeyihiin si loo wajaho howlaha horyaala.

Ra’sulwasaare Kheyre waa sadax jirsaday hubinta waxaase waqtiga xukuumada iyo Barlamaanka  ka haray sanadkaan, sadaasha waxa ay u badan tahay in ay  wada dhameysan doonaan isaga iyo Madaxweynaha mudada xilheynta waana bog cusub oo u furmay siyaasada Soomaaliya.

Tani waxa ay dhabaha u xaaraysa helida mustaqabalka hogaan mideysan oo muhiimad gaar ah siiya wadashaqeyntooda, waqtiga u haray dowladda waa kooban yahay waxaana looga fadhiyaaa doorasho qof u cod ah oo mawaadiniinta fursad u siisa in ay doortaan hogaankooda.

LEAVE A REPLY

Please enter your comment!
Please enter your name here