Ra’iisul Wasaaraha Soomaaliya iyo wafdi uu hogaaminayo oo gaaray Cadaado

Wafdi uu hoggaaminayo R/wasaaraha dalka Mudane Cumar Cabdirashiid Cali Sharma’arke  ayaa goor dhaweyd gaaray magaalada Cadaado.

R/wasaare Cumar C/rashiid oo ay wehliyaan mas’uuliyiin ka tirsan dowladda ayaa waxaa garoonka diyaaradaha ee magaalada Cadaado ku soo dhaweeyay mas’uuliyiin ka tirsan maamulka Galmudug.

Wafdiga Ra’iisul wasaaraha ayaa iminka Madaxtooyada Galmudug kulamo ku saabsan sidii loo xalin lahaa arrinta ka taagan Gaalkacyo kula qaadanaya Madaxda dowlad goboleedka Galmudug, kuwaasi oo diirada lagu saari doono xal u helidda colaada soo noq noqotay ee magaalada Gaalkacyo ee u dhexeysa labada maamul.

Sidoo kale R/wasaaraha ayaa lagu wadaa in uu Cadaado uga sii gudbo magaalada Garowe si uu wadahadallo kale ula soo qaado madaxda Puntland.

 

Did you like this? Share it:

LEAVE A REPLY

Please enter your comment!
Please enter your name here