R/wasaaraha oo ka qeybgalay munaasabad lagu soo bandhigayay waxqabadka guddiga doorashooyinka Qaranka

2847

Xaflado lagu soo bandhigayay wax qabadkii Guddiga madaxa banaan ee doorashooyinka Qaranka oo maanta sanad laga joogo markii la dhisay ayaa waxaa ka qeybgalay R/wwasaaraha Xukuumada Somaaliya ,Wasiirada Arimaha gudaha, warfaafinta, xildhibanno ka tirsan baaralamanka federaalka ah, Gudoomiyaha iyo xubnaha Guddiga Madaxa banana ee Doorashooyinka Qaranka iyo qeybaha kala duwan ee bulshada.

Intii ay xafladda socotay ayaa R/wasaaraha la guddoonsiiyay shahaaddo sharaf ay ugu talagaleen Guddiga Madaxa banaan ee Doorashooyinka Qaranka  iyadoo mas’uuliyiinta Guddiga ay sidookale soo bandhigeen waxyabaihii u qabsoomay muddadii sanadka aheyd ee guddiga uu jiray oo ay ugu muhiimsaneyd tababarro la siiyay xubnaha Guddiga si aqoontooda kor loogu qaado, in la bilaabay dhismaha xarunta cusub ee Guddiga oo noqon doonta meel ka baxsan Madaxtooyada oo hadda ay ku shaqeeyaan, iyo Websiteka Guddiga oo maanta wixii ka dambeeya shaqeyn doona si loogala socdo macluumaadka Doorashooyinka dhacidoona sanadka 2020-ka.

Gudoomiyaha Guddiga Madaxa banaan ee Doorashooyinka Qaranka Xaliimo Ismaaciil Ibraahim (Xaliimo yareey) ayaa sheegtay in shaqada Gudiigooda ay tahay diyaarinta Doorasho qof iyo cod ah oo la filayo in dalka ay ka dhacdo sanadka 2020-ka loona baahan yahay in madaxda Dowladda iyo shacabkaba ay arintaasi kala shaqeeyaan Guddiga.

“Dadka qaar gudigaan in la kala diray ayay la noqotay balse waxaan idiin sheegayaa markale in Guddiga dhawaan la sameeyay ay yihiin kuwa looga gudbayo doorashada dadban ee 2016-ka, lakin anaga waa jirna waana shaqeyneynaa waxaana howsheena ay tahay inaan dalka gaarsiino doorasho qof iyo cod ah sanadka 2020-ka, balse waxaan ka codsanayaa xukuumadda in la smaeeyo sharcigii doorashooyinka si howsha naloo xilsaaray ay noogu qabsoonto” sidaa ayay tiri Gudoomiyaha Guddiga Madaxa banaan ee Doorashooyinka Qaranka.

Xildhibaan Fowsiyo Yuusuf Xaaji Aadan iyo Xildhibaan Daahir Amiin Jeesow oo ka tirsan Baarlamanka federaalka Soomaaliya ayaa bogaadiyay dadaallada guddiga uu ku doonayo hirgalinta doorasho qof iyo cod ah inay dalka ka dhacdo marka la gaaro sanadka 2020-ka, waxayna xildhibaanadu caddeeyeen in guddiga haddii loo madaxbanneeyo shaqadooda ay wadanka gaarsiin karaan doorasho qof iyo cod ah.

Wasiirka Arimaha Gudaha iyo Federaalka Mudane Cabdiraxmaan Maxamed Xuseen (Odawaa) iyo Wasiirka Warfaafinta,dhaqanka iyo dalxiiska Xukuumada Somaaliya mudane Maxamed Cabdi xayir “Maareeye” ayaa kula dardaarmay Xubnaha Guddiga Madaxa banaan ee Doorashooyinka Qaranka inay dardargaliyaan shaqada looga fadhiyo oo ah in Doorasho qof iyo cod ah la helo sanadka 2020-ka, islamarkaana ay si wanaagsan ula shaqeeyaan Xisbiyada siyaasadda iyo Dowlad goboleedyada, taasi oo fududeyneysa in Gudiga madaxa banana ee doorashooyinka qaranka ay si hufan oo caddaalad ah u gutaan waajibaadka horyaala.

R/wasaaraha Xukuumada Somaaliya Mudane Cumar Cabdirashiid Cali Sharmaarke oo ka hadlay gabagabaadii xafladda ayaa hambalyo iy bogaadin u diray Guddiga Madaxa banaan ee doorashooyinka Qaranka muddadii sanadka aheyd ee ay shaqeynayeen iyo waxqabadka ay la yimaadeen wuxuuna ballanqaaday in Xukuumada ay diyaarineyso sharciga doorashooyinka si Guddiga ay u helaan waddo ay u maraan hirgalinta doorasho qof iyo cod ah.

“Anaga hadda waxaan diyaarinay qorshe lagu gaarayo doorashada 2020-ka dheceysa oo ah qof iyo cod, waxaana la tagi doonaa shirka ugu soo horreeya ee madasha qaranka, shirkaasi oo leydinku casumi doono si aad adinkana usoo bandhigtaan qariiradda aad ku howlgaleysaan si loo gaaro doorashada la filayo sanadka 2020-ka”  ayuu yiri R/wasaare Sharmaarke.

 

 

Did you like this? Share it:

LEAVE A REPLY

Please enter your comment!
Please enter your name here