R/wasaare ku-xigeenka dalka oo tacsi u diray dowladda Qadar+Sawirro

R/wasaare Ku-xigeenka Xukuumadda Federaalka Soomaaliya Mudane Maxamed Cumar Carteh ayaa saxiixay buugga Tacsida ee Amiirkii hore ee dalka Qadar Sheekh Khalifa Bin Xamad Al Taani oo uu Alle uga baryay inuu Janatul Fardowso ka waraabiyo.

Mudane Carteh oo kulan la qaatay safiirka dowladda Qadar u fadhiya Soomaaliya ayaa uga tacsiyeeyay geeriidii naxdinta laheeyd ee ku timid Amiirkii hore ee dalkaas.

“Waxaan uga tacsiyadeynayaa Caa’ilada xukunka heysa, dowladda iyo shacbiga Qadar geeridii naxdinta laheyd ee ku timid Amiirkii hore ee dowladda Qadar Sheekh Khalifa Bin Xamad Al Taani, Waxaana Alle uga baryayaa inuu Janatul fardowso ka waraabiyo”.

Ugu dambeyn, Ra’iisul Wasaare ku xigeenka oo saxiixay buugga tacsida ayaa ka codsaday Safiirka dowladda Qadar inuu tacsi ka gaarsiiyo madaxda ugu sareeysa dalkaas, asagoona kala hadlay sidii loo sii kordhin lahaa xiriirka ka dhaxeeya labada dal.

unnamed (1) unnamed

LEAVE A REPLY

Please enter your comment!
Please enter your name here