R/wasaare ku xigeenka oo maanta kulan la yeeshay wafdi ka socday IGAD+Sawirro

0
2768

Ra’iisul Wasaare ku xigeenka xukuumadda federaalka Soomaaliya ayaa maanta kulan la qaatay wakiilka urrur goboleedka IGAD u fadhiya Soomaaliya Mudane Maxamed Cali Afey, kulanka oo looga hadlay maamul u sameeynta gobolada Hiiraan iyo Shabeelada dhexe ayaa waxaa kasoo qeybgaleen qaarkamid ah xubnaha golaha Wasiirada.

Mudane Maxamed Cumar Carteh ayaa sheegay in laga maarmaan ay tahay in labada gobol ay yeeshaan maamul ay shacabka raali ka yihiin doorashooyinka dalka ka hor.

‘’Dadka dega Hiiraan iyo Shabeelada dhexe wax xaq u leeyihiin in ay yeeshaan maamul ku yimaada rabitaankooda inta aan la gaarin doorashooyinka, si dadkaasi ay qeybtooda uga qaataan doorashooyinka dalka ka dhici doona sanadkan, islamarkaana dadka ku nool labada gobol ay ka helaan dowladda dhexe caawinaada iyo adeegyada ay helaan maamulada kale ee dalka ka jira’’.

Mudane Carteh ayaa sheegay in howlaha fududeynta ah ee maamul u sameynta labada gobol ay xukuumadda u xilsaaraty kana caawin doonaan urrur goboleedka IGAD, wuxuuna ku booriyay wakiilka IGAD ee Soomaaliya Mudane Maxamed Afey in sida uga dhaqsiyaha badan loo bilaabo howlaha maamul u sameynta ee Hiiraan iyo Shabeelada dhexe.

‘’Xukuumaddu waxey u xilsaartay fududeynta howlaha maamul u sameynta labada gobol urrur goboleedka IGAD, waxaana ku boorinayaa in IGAD ay sida uga dhaqsiyaha badan u bilawdo maamul u sameynta labada gobol ayadoo caawin doonta garabna istaagi doonta Wasaaradda Arrimaha gudaha iyo Federaalka’’

Ugu dambeyntii Ra’iisal Wasaare ku Xigeenka Mudane Carteh ayaa ku dhawaaqay in 3 bisha September la bilaabi doono shirka maamul u sameynta gobolada Hiiraan iyo Shabeelada dhexe.

unnamed (1) unnamed (3) unnamed (4) unnamed

 

Did you like this? Share it:

LEAVE A REPLY

Please enter your comment!
Please enter your name here