Saameynta COVID-19 Goobaha Waxbarashada Magaalada Xuddur .

Tan iyo markii Dowlada Soomaaliya ku dhawaaqday in la xero dhammaan goobaha waxbarashada ee dalka waxa la fasaxay Ardayda Jaamacadaha, Iskuulada iyo dugsiyada qur’aanka kariimka ah ee magaalada xuddur si looga digtoonaada cudurka COVID-19 oo ku faafa istaabashada iyo isku soo dhowaanshaha.

Ardayda dhigata Jaamacada Princeton Inernational Unversity ee magaalada xuddur ayaa casharadooda ku qaata qaab internet online ah, qaar ka mid ah ardayda oo aan la kulanay ayaa sheegaya  in ay ku faraxsan yihiin in iyagoo guryahooda jooga casharadooda ay ku helayaan qaab online .

hase ahaatee bulshada magaalada xuddur intooda badan kama dhaadhacsana halista cudurka korona feyraska waxaana cadeyn u ah ardaydii laga soo fasaxay iskuulada iyo dugsiyada qur’aanka marwalba waxay ku kulmaan meelaha kubadaha lagu cayaaro, inkastoo laga wacyeliyo hadana ma ahan mid si dhab ah loo wadaqaatay.

Si kastaba ha ahaatee saameynta cudurka COVID 19 waxa aad looga dareemayaa magaalada xuddur waxana siweyn usaameeyey qiimihii maciishada cuntada quutul daruuriga,wali ma jira kiisas laga diwaan geliyay guud ahaan Magaalada Cudur iyo  deegaanada kale ee Gobolka .

LEAVE A REPLY

Please enter your comment!
Please enter your name here