Saddex Xisbi oo maanta la gudoonsiiyay shahaadooyinka diiwaangalinta

Saddex kamid ah ururada siyaasadeed ee dalka kajira oo kala Xisbiga Wadajir, Xisbiga Cadaalada iyo Midnimada iyo Xisbiga Samo ayay Guddiga madaxa bannaan ee doorashooyinka Qaranka gudoonsiiyeen shahaadada diiwaangalinta KMG ah ee xisbiyada kadib munaasabad kooban oo maanta lagu qabtay Xarunta Guddiga ee magaalada Muqdisho.

Gudoomiyaha Xisbiga Wadajir Kamaal Xasan Guutaale oo ku hadlayay magaca Xisbiyadii la diiwana galiyay ayaa xusay in muddo saddex bilood ah ay ku qaadatay inay helaan shahaadada maanta la siiyay islamarkaana ay kasoo gudbeen shuruudo adag oo kamdi ah sharciyada Axsaabta.

“Anaga oo isugu jirna xildhibaano iyo siyaasiyiin magac leh ayay 3-bilood nagu qaadatay inaan kasoo gudubno shuruudaha ku xusan sharcoiga axsaabta oo ah 26-shuruudood ,mid kasta sigaar ah ayaan u dul istaagnay waxayna taas muujineysaa shaqa wanaaga Guddiga iyo howsha ay qaban doonaan Guddiga dooraashooyinka qaranka.” sidaas ayuu yiri Gudoomiyaha Xisbiga Wadajir.

Xaliimo Ismaaciil Ibrahim “Xaliimo Yarey” Gudoomiyaha Guddiga madaxa bannaan ee Doorashooyinka Qaranka ayaa sheegtay in Guddiga si dhow ula shaqeyn doono ururada siyaasadeed islamarkaana hada ay gacanta ku hayaan Xisbiyo kale oo la doonayo in la diiwana galiyo.

“hada waxaan gacanta ku heynaa 15-xisbi oo shuruudihii laga rabay maraya iyagana sidaan oo kale ayaan usoo bandhigi doonaa marka ay buuxiyaan shuruudaha looga baahan yahay ,anaga marwalba wada shaqeyn joogta ah ayaan la leenahay Xisbiyada kamana maarano ,anagoo isku duuban ayaan gaari karnaa doorasho qof iyo cod ah sanadka 2020”. sidaas ayay hadakeeda sii raacisay Gudoomiye Xaliimo

Xisbiyada maanta la siiyay shahaadooyinka diiwanaghalinta KMG ah ee xisbiyada ayaa ku biiraya 7-xisbi oo hore Guddiga madaxa bannaan ee doorashooyinka Qaranka ay u diiwaangaliyeen waxayna dhamaan ururada siyaasadeed shaahadada diiwaangalinta helay xaq u yeelan doonaan xuquuqaha ku cad sharciga Axsaabta.

Did you like this? Share it:

LEAVE A REPLY

Please enter your comment!
Please enter your name here