Safaaradda Soomaaliya ee India oo laga bilaabo beri xirnaan doonto ilaa amar dambe cabuuqa COVID-19 awgiis

Gabi ahaanba waxa xiran laga bilaabo berri oo ah Isniin ah Safaradda Soomaaliya ee Dalka India kaddib amaro ka soo kala baxay dowladaha Soomaaliya iyo India, kuwaas oo ku aadan xakameeynta xanuunka inta badan dunida ku baahay ee COVID19.

Madaxda Safaraadda ayaa sheegay in ay u hogaansami doonaan amarada dowladda martida looyahay ee India si looga hortago caabuqa Coronavirus, islmarkaana dadka Soomaaliyed lala wadaagi doono wixii soo kordha muddada ay safaraddu xirantahay.

Lataliyaha labaad ee Safaaradda Soomaaliya ee dalka India mudane Saaliim Cabdullaahi Cilmi ayaa Guddoomiye ka ah guddi si dhaw u la socon doona haddii muwaadiniinta Soomaaliyed ay ku timaado arrin deg deg ah, kana jawaabi doona cabashooyinkooda, waxa ayna safaraddu sheegtay in ay si dhaw ila socon doonto xaaladda muwaadiniinta Soomaaliyed.

Soomaalidda ku dhaqan dalka India iyo kuwa u yimaada adeegyada caafimaadka, ganacsiga iyo waxbarashada ayaa waxa saameyay xanuunka coronavirus oo kiisas badan oo ka mid ah ay ka jiraan dalka India, waxaana la joojiyay ganacsigii iyo waxbarashada.

LEAVE A REPLY

Please enter your comment!
Please enter your name here