Safaaradda Soomaaliya Ee Qadar Oo Kulan Dhiira Galin Ah U Sameysay Muwaadin U Dhaq dhaqaaqa Bulshada Dhibaateysan “Sawirro”

Safaaradda Soomaaliya ee dalka Qatar ayaa kulan Balaaran oo dhiiri gelin ah u samaysay Cabdi Casiis Maaxi oo ah muwaadin Soomaaliyeed oo ku caanbaxay inuu garab istaago dadka Soomaaliyeed ee Dhibaataysan iyo Dr: Cabdullah Zarouq oo kamida Dhakhaatiirta ka howl-gala isbitaalka weyn ee SIDRA, waxaana kulanka kasoo qayb galay Jaaliyadda Soomaaliyeed ee dalka Qatar, Masuuliyiin Xilal hore uga soo qabtay Dawlada soomaaliya, Abwaano iyo Waxgarad kale.

Mukhtaar Cali Yuusuf Qunsulka Safaarada Soomaaliya ee dalka Qatar ayaa sheegay inay soo dhowaynayaan Cabdicasiis Maaxi oo sheegay inuu ka mid yahay dadka sida gaarka ah uga dhex Muuqda bulshada, Wuxuuna alle uga baryey dadaalka uu wado, inuu ugu badalo wax wanaagsan, isagoo  sheegay in kulanka ay u qabteen in bulshadu ay wax ka ogaato, waxyaabaha ay horey ugu qabteen dadka Soomaaliyeed iyo waxa hada u qorshaysan.

Cabdicasiis Maaxi oo kulanka ka hadlay ayaa ka warbixiyey waxyaabaha uu Bulshada soomaaliyeed u qabtay, Isagoona sheegay inuu ku bilaabay Sanadii 2006-dii Gabadh Soomaaliyeed oo dhibaataysan, Wuxuu Bulshada Soomaaliyeed usoo jeediyey inay is garabsadaan, wax kastana ay ku qabsan karaan Isku-duubni.

Dr: Cabdullah Zarouq oo ah dhakhtar u dhashay dalka Suudaan ayaa sheegay in dadka Soomaaliyeed ay yihiin dad isku xidhan oo Jecel Diintooda, sidoo kale wuxuu hadlay caruur Soomaaliyeed Isku dhegan, kuwaasi oo la qorshaynayo in dhowaan loo qaado Mareykanka, wuxuuna  sheegay intuu awoodo inuu ka qayb qaadan doono.

Ciid badal oo horey Soomaaliya ugu Fadhiyey QM ayaa siwayn ugu mahad celiyey Masuuliyiinta soo qaban qaabiyey Kulanka, isagoo ka hadlayey baahiyaha kala duwan ee ka jira Soomaaliya ayuu xusay inay tahay wax Lagu Faano inaad Bad-baadiso qof walaalkaa ah oo dhibaataysan.

Gudoomiyaha Jaaliyadda Soomaaliyeed ee dalka Qatar Cali Askar ayaa  sheegay in Jaaliyaddu ay tahay mida keliya ee ka badbaaday kala qaybsanaan, Wuxuuna soo Jeediyey inay Bulshada Soomaaliyeed Gacmaha Is qabsadaan.

1 2 3 4 5 6 7 8 9 10 11

LEAVE A REPLY

Please enter your comment!
Please enter your name here