Safaaradda Soomaaliye ee Kenya oo dhar u qeybisay maxaabiis laga sii daayay xabsi ku yaalla Nairobi+Sawirro

0
4401

Qunsulka saafaradda Soomaaliya ee dalka Kenya, Cali Maxamed Sheekh (Cali Bagadi) ayaa maanta deeq dhar ah gaarsiiyay Maxabiis Soomaaliyeed oo dhamaystay xukunno 7 sano oo xabsi ah.

Maxaabiistan oo tiradoodu ay gaarayso 7 dhalinyaro Soomaali ah ayaa ku jira xabsiga Kimiti ee magaalada Nairobi, waxaana lagu soo eedeeyay falal burcad-badeednimo ah.

Qaar kamid ah maxaabiista oo la hadlay Radio Muqdisho ayaa ka mahadceliyay deeqda dharka ah ee uu soo gaarsiiyay qunuslka safaaradda Soomaaliya ee dalka Kenya, Cali Maxamed Sheekh (Cali Bagadi), waxaana ay sheegeen in ay ku faraxsanyihiin in mar kale xurriyadooda ay dib u heleen 8-da bishan August.

“Waan ku faraxsanahay deeqda dharka ah oo uu na soo gaarsiiyay qunsulkeena Cali Sheekh, sidoo kale farxad ayay noo tahay in aan mar kale wadankeena ku noqono Isniinta soo socota” ayuu yiri mid kamid ah eedeysanayaasha

“Haa waa faraxsannahay maanta, maxaa yeelay qunsulkeena ayaa nala jooga, intii aan xabsiyada wadankaan ku jirnay dhibaatooyin kala duwan ayaan la kullanay, safaaradda waxaan ka codsaneynaa in ay si aad ah nooga caawiso bixitaankeena iyo wixii aan gacan qabsi ka dhigan laheydn markaan Muqdisho tagno” ayuu isna yiri qof kale oo kamid ah maxaabiista xukunnada dhamaystay.

Qunsulka safaaradda Soomaaliya ee dalka Kenya, Cali Maxamed Sheekh (Cali Bagadi) ayaa dhankiisa xusay in ay aad ugu faraxsanyihiin booqashada ay ugu yimaadeen maxaabiistan dhameystay xukunnada xabisga 7 da sano ah, isagoo hoosta ka xariiqay in ay u diyaariyeen waraaqaha dib ugu noqoshada wadankooda Soomaaliya.

“Sharaf weyn ayay inoo tahay in aan maanta soo booqano maxaabiistan Soomaaliyeed oo tiro ahaan dhan 7 , waxaan u diyaarinay waraaqaha GO-home ka, arrintooda waxaa nagala shaqeeyay qaar kamid ah hay’adaha UN-ka, hadda ka horna dhowr mar ayaan ku booqannay xabsiyada wadanka Kenya, deeq yar oo dhar ah ayaan u keennay si aan ugu dhiiri gellino, kuwa kale ee weli xabsiyada ku jira iyagana waan ka war heyn doonnaa” ayuu yiri qunsul Cali Maxamed Sheekh

Safaaradda Soomaaliya ee dalka Kenya ayaa inta badan deeqo kala duwan oo dhiirri gelin ah u qeybisa qaar kamid ah maxaabiista Soomaaliyeed ee ku xiran xabsiyada wadanka Kenya, iyadoo ay arrintaasina ku farxaan.

tgd tfd mjn hgf bvc

Did you like this? Share it:

LEAVE A REPLY

Please enter your comment!
Please enter your name here