Safiirka Soomaaliya ee dalka Shiinaha oo booqday xarumo amni oo ku yaala Dalkaas “SAWIRRO”

Danjire Cawaale Cali Kullane oo la kulmay madaxa  Jaamacadda Booliska ee dalka shiinaha Ma Jinqi ayaa waxa ay ka wada hadleen, sidii loo xoojin lahaa xiriirka dhanka tababarrada Booliska ee Soomaaliya iyo Shiinaha.

Danjire Cawaale Cali Kullane Safiirka Soomaaliya ee Shiinaha oo ay wehliyaan qaar ka mid ah safiirada wadamada caalamka ee ka howlgalaya dalka Shiinaha ayaa booqosho ku tagay xarumo amni iyo kuwa sharciga ee dalka Shiinaha.

Safiirada booqday Jamacadda Booliska Shiinaha, Xarunta dhowrista Sharciga iyo Waaxda Garsoorka amniga guud ee Beijing. ujeedka boqashada oo ah sidii ay safiirada dalalka caalamka u arki lahaayeen sida Shiinaha u ilaaliyaan  sharciga, ugana hortagaan dambiyada kala duwan ee bulshada.

Booqashada oo sidoo kale qayb ka ahaayeen qaar ka mid ah Diblomaasiyiin ka socday hay’adaha dowliga ah ayaa waxa ay kulan la qaateen dhammaan Safiirada. Wasiir ku-xigeenka Wasaaradda Amniga Guud ee dalka Shiinaha Mudane Wang Xiaohong.

Danjire Cawaale Cali Kulane ayaa kala hadlay mas’uuliyiinta uu halkaas kula kulmay xoojinta xariirka labada dal.