Safiirka Soomaaliya ee dalka Yemen oo la kulmay Taliyaha amniga magaalada Cadan

2063

Safiirka Soomaaliya u fadhiya Dalka Yemen Cabdulaahi Xaashi Shuuriye ayaa kulan la qaatay Taliyaha amniga magaalada Cadan Shalaal Cali Shaa’ic.

Labada dhinac ayaa ka wada hadlay sidii wada shaqeyn wanaagsan u dhex mari laheyd iyo amniga labada wadan.

Cabdulaahi Xaashi Shuuriye ayaa ku amaanay Taliyaha doorkooda ku aadan inay xasiliyaan Magaalada Cadan oo hada si ku meel gaar u ah caasimada dalka Yemen, wuxuuna ka codsaday Safaaradooda in wada shaqeyn dhow ay la yeeshaan Taliska amniga si ahmiyad gaara loo siiyo Muwaadiniinta Soomaaliyeed.

Safiirka ayaa sheegay in ay kala shaqeyn doonaan ciidamada amniga sidii looga hortagi lahaa tahriibka, isagoo u sheegay Taliyaha in dowlada Soomaaliya ay wado qorsho lagu hormarinayo dalka, kaas oo suurta galin doona in shaqooyin badan loo abuuro Dhalinyarada si ay uga baaqsadaan Tahriibka.

Taliyaha amniga magaalada Cadan Shalaal Cali Shaa’ic ayaa dhankiisa sheegay inuu ku faraxsan yahay kulanka uu la qaatay Safiirka, isagoo sheegay Amniga Magaalada Cadan inuu ku xiran yahay Dalalka ay deriska la yihin oo Soomaaliya ay ka mid tahay, sidaas darteed ay waajib ku tahay labada dowladood inay ka wada shaqeeyaan amniga.

Taliya ayaa sidoo kale sheegay in Soomaaliya iyo Yemen ay yihiin labada dal oo aan kala maarmin sidaas darteed la doonayo in ay ilaaliyaan nabad galyada marin biyoodka ka dhaxeeya, lagana hortago qataraha ka dhalanaya Tahriibka, Hubka sharci darada iyo waxyaabaha maanka dooriya.

Did you like this? Share it:

LEAVE A REPLY

Please enter your comment!
Please enter your name here