Safiirka Soomaaliya ee Kuwait oo kulan la qaatay Ardayda Waxbarashada u joogta Dalkaas ” SAWIRO”

0
1311

Danjiraha Soomaaliya u fadhiya Dalka Kuwait ahna Hormuudka Safiirada Wadammada Carabta ee fadhigoodu yahay kuwait Mudane Abdulqadir Amin Sheekh ayaa booqadsho u kuur gal xaalkooda ah ugu tegay Ardayda Soomaaliyeed ee deeqaha waxbarashada ku jooga dalka Kuwait.

Ardaydaan ayey tiradoodu dhan tahay 36 arday oo isugu jira hablo iyo wiilal waxna ka barta heerarka kala duwan ee waxbarasho sida dugsi hoose,sare iyo heer jaamacadeed.

 

Ugu horeyn Safiirka ayaa halkaas kaga dhageystey warbixin ah nolosha guud ee ardayda maamulka gacanta kuhaya ardaydaas, intaas ka gadaal ayuu danjire Amin halkaas kasoo jeediyey khudbad dheer oo dhinacyo badan taabanaysay una janjeertey goobaabin iyo dheeragelin ardayda in ay ka faa’ideystaan fursada qaaliga ah ee ay nasiibka u yeesheen lagana doonaya in ay ku anfacaa dalkooda iyo ummadooda xusuusiyeyna in ay yihiin safiiro dalkooda matelaya sidaas darteedna looga baahanyahay in ay muujiyaan dadaal iyo karti dheeri ah.

Danjire C/qadir Amin ayaa gebagabadii hadalkiisa kula dardaarmey ardaydaas in ay noqdaan kuwo lagu daydo hormuudna u ah ardayda kala duwan ee ay la noolyihiin sidoo kelina ka qeybqaataan doorkooda ururka ardayda soomaaliyeed ee kuwait.

Qaar kamid ah Ardeyda oo iyaguna goobta ka hadley ayaa Safiirka uga mahadceliyey booqashadiisa iyagoona warbixin kooban kasiiyey xaaladooda nololeed kana ballan qaaday in ay fulin doonaan dhamaan dardaaranka uu u soo jeediyay ayna ku dadaali doonaan waxbarashada kana mira dhalin doonaan sidoo kalena u ballan qaadey Danjiraha in aynan dhaawici doonin sharafta iyo karaamada Ummada Soomaaliyeed.

Kulankan ayaa waxaa sidoo kale safiirka ku wehliyey xoghayaha koowaad ee safaarad Farxaan Gurxan iyo gudoomiyihii hore ee ururka Ardayda Soomaaliyeed ee kuwait Cabdalla Xuseen Dirir oo ayaguna halkaas ku goobaabiyey ardayda

kulanka ayaa ku soo idlaadey jawi ku dheehan farxad iyo reenreen.

1 2 3 4 5 6 7 8 9 10 11 12 13

Did you like this? Share it:

LEAVE A REPLY

Please enter your comment!
Please enter your name here