Safiirka Soomaaliya ee kuwait Oo Xariga Ka Jaray  Dugsi Xagaageedka Jaaliyadda “Sawirro”

 

Safiirka Soomaaliya u fadhiya dalka kuwait Amb.C/qaadir Amin shiikh ayaa xariga ka jarey dugsi xagaageed loogu talagaley ardayda jaaliyadda oo ay soo qabanqaabiyeen Golaha Hiddaha iyo Dhaqanka Soomaaliyeed.

Ugu horeyntii ayaa waxaa halkaas ku soo dhaweeyey Safiirka Golaha Hiddaha iyo Dhaqanka oo uu horkacayey Gudoomiyaha Golaha Eng.Maxamed Axmed Daahir sharaxaadna ka bixiyey dugsiga iyo waxyaalaha lagu dhiganayo yirina “Sacaadatu Safiir waxaan aad kaaga mahadcelineynaa si aad noogu dheeragelisay qabanqaabadad dugsigaan iyo taakuleyntiisa adoo sponsorgareeyey sacaadatu dugsidaan waxaa dhigta hadda arday gaareysa 60 arday da’doona tahay 5-14 jir waxaan lagu barayaa Afka soomaaliga,Af ingiriiska, quraanka kariimka ah, Farshaxanka,iyo culuum keli”.

Intaasi kaddib ayaa sidoo kale waxaa isna halkaas ka hadley Guddoomiyaha Jaaliyadda Mudane Maxamed Xaaji Axmed Khumeyni oo mahadcelin ka dibna ka sheekeeyey faa’iddad uu leeyahay dugsi xagaageedkan oo keli yirina waa tijaabadii koowaad oo ay jaaliyaddu qabato dugsi noocaan oo keli ah waxaan rajeyneynaa sanadka danbe in ay ardeydu gaarto 200.

Sidoo Kale waxaa hadalo dheeri gelin iyo mahadcelin ah ka jeediyey madasha u qaabilsanaha saafaarad dhanka waxbarashada  iyo qaar ka mid ah waalidiinta iyo macalimiinta wax ka dhigeysa dugsigaan.

intaas ka dib ayaa waxaa lagu soo dhaweeyey Safiirka soomaaliya u fadhiya kuwait Amb.C/qaadir Amin Shiikh oo madasha ka jeediyey hadal aad u soo jiitay ka soo qeybgalayaasha waxeyn aad ula dhaceyn iskuna bishaareyeen markii u safiirka u sheegay xubnaha jaaliyadda ineysan waxba ka jirin warar aan sal iyo raadtoona lahayn oo beryahan laga sheegay qaar ka mid ah warbaahinta soomaaliyeed oo ahaa in  dowlada kuwait ay joojisay tiradoodna aad loo yareeyey waxbarashada ardayda soomaaliyeed ee dugsiga hoose.

Safiirka ayaa yiri “waxaan idin ku bishaareynayaa in ay tahay waxba kama jiraan wararka been abuurka ah oo in badan oo waalidiinta ka mid ah dareen weyn ku abuurey dowlada kuwait amiir iyo xukuumad iyo shacab waa dad walaalahood soomaaliyeed mar walba garabkooda taagan waana ogtihiin qadarinta iyo tixgelinta aan ku haysano dalkaan mahad haka gaarto walaalaheen Kuwiat, wararka noocaas oo keli ahna waxey la mid yihin wararkii hore oo inta yar ee horumarka jaaliyaddan ka xun ay isku dayaan in ay bal wax uun ka sheegaan lakin ilaah mahadiis waxaad tihiin jaaliyad isku duuban soomaalinimaduna ku weyn tahay” munaasabad furitaanka dugsigaan ayaa ku soo idlaatey jawi farxad iyo rayn rayn leh.

1 2 3 4 5 6

LEAVE A REPLY

Please enter your comment!
Please enter your name here