Safiirka Soomaaliya ee South Sudan oo kulan la qaatay Madaxweyne ku xigeenka wadankaas

Safiirka Soomaaliya u fadhiya dalka Koofurta Sudan Danjire Xuseen Xaaji Axmed ayaa magaalada Jubba ee caasimadda dalkaasi kulan kulan kula qaatay Madaxweyne ku-xigeenka Wadanka Koofurta Sudan Mudane Xuseen Cabdulbaji.

Kulanka oo ka dhacay xafiiska Madaxweyne ku xigeenka ayaa labada mas’uul ay uga wada hadleen dhowr arrimood oo ay ka mid yihiin xiriirka labada dowladood, ilaalinta ganacsatada Soomaaliyeed ee dalkaasi oo uu Madaxweyne ku xigeenku balanqaaday in amnigooda iyo hantidooduba ay ilaalineyso dowladdu, maadaama ay ka mid yihiin maalgashadayaasha dalka.

Kulanka ayaa ku soo idladay guul sida uu shaaciyay Safiirka Soomaaliya u fadhiya dalka Koofurta Sudan Danjire Xuseen Xaaji Axmed, isagoo intaa ku daray in jaaliyadda Soomaaliyeed ee wadaankasi uu wada shaqeyn buuxdo la leeyihiin Safaaradda, kuwaasi oo hela adeegyada ay qabato Safaaradda.

 

LEAVE A REPLY

Please enter your comment!
Please enter your name here