Safiirka Soomaaliya ee Suudaanta Koonfureed oo la kulmay Madaxweyne ku-xigeenka dalkaasi

429

Safiirka Soomaaliya ee dalka Koonfurta Sudan Danjire Xuseen Xaaji Axmed ayaa maanta kulan la qaatay Madaxweyne ku-xigeenka dalka Suudaanta Koonfureed Taban Deng Gai oo ay ka wada hadleen arrimo badan oo ay ka mid tahay xaaladda dalka.

Kulanka oo ka dhacay caasimadda Koonfurta Suudaan ee Jubba ayaa waxaa diirada lagu saaray xoojinta xiriirka labada dal, daryeelka ganacsatada Soomaaliyeed ee dalkaasi ku ganacsata, xoojintii kulankii labada Madaxweyne ku dhex maray magaalada Addis Ababa ee xarunta dalka Ethiopia iyo arrimo kale.

Madaxweyne ku-xigeenka Suudaanta Koonfureed Taban Deng Gai ayaa dhankiisa sheegay in uu wax ka qaban doono cabashada ay qabaan qaar ka mid ah ganacsatada Soomaaliyeed ee dalkaasi ku nool, isagoo xusay in ganacsatadu ay door muuqdo ka qaateen horumarka.

Danjire Xuseen Xaaji Axmed oo la hadlay Warbaahinta Qaranka ayaa sheegay in kulanka uu ku soo dhamaaday jawi is afgarad leh.

Did you like this? Share it:

LEAVE A REPLY

Please enter your comment!
Please enter your name here