Safiirka Soomaaliya ee Turkiga oo ka qeyb galay kulan ardayda Soomaaliyeed ku yeesheen Ankara

1438

Safiirka Soomaaliya u fadhiya dalka Turkiga Maxamed Mursal Sheekh Cabdiraxmaan ayaa ka qeyb galay shir  ay ardayda Soomaaliyeed ee wax ka barata dalkaasi ay ku yeesheen magaalada Ankara ee xarunta waddanka Turkiga.

Shirkaan waxaa sidoo kale ka qeyb galay culimo iyo saraakiil ka socotay safaaradda. Kulanka waxaa lagu soo bandhigay xaaladda ay ardayda Soomaaliyeed ku sugan yihiin iyo tallaabooyinka ay tahay in ay qaadaan.

Danjire Maxamed Mursal ayaa ardayda Soomaaliyeed ku guubaabiyay inay ka faa’iideystaan fursadda waxbarasho ee ay helaan isla markaana ay si wanaagsan ula dhaqmaan shacabka iyo dowladda Turkiga ee deeqda waxbarasho siiyay.

Sidoo kale Cabdicasiis Cabdiraxmaan Xasan oo safaaradda u qaabilsan hiddaha iyo tacliinta ayaa ka hadlay shirkaan, isagoo tilmaamay in bulshada Soomaaliyeed ay ardaydan ka sugeyso inay dalka kula soo laabtaan cilmiga la baray isla markaana ay bulshada wax ku soo kordhiyaan.

Kulankaan oo lagu magacaabo “Ankara show” ardayda SOomaaliyeed ee wax ka barata dalka Turkiga ayaa sanadkii mar qabsada, waxaa dadka ka soo qeyb galay sanadkaan ka mid ahaa Sheekh Bashiir Amaal cali Mire oo ka mid ah culimada Soomaaliyeed.

Did you like this? Share it:

LEAVE A REPLY

Please enter your comment!
Please enter your name here