Safiirka Turkiga oo sheegay in mashaariic ay ka fulinayaan magaalada Beydhabo

2268

Safiirka Turkiga u fadhiya Soomaaliya Olgan Bekar oo booqasho ku tagay magaaada Beydhabo ayaa kulan la qaatay madaxweynaha maamulka Koofur Galbeed Shariif Xasan Sheekh Aadan.

Danjiraha iyo Shariif Xasan ayaa ku soo wareegay qeybo ka mid ah magaalada Beydhabo, ayadoo Olgan Bekar uu ballan qaaday in mashaariic dib u dhis ah ay ka fulin doonaan magaalada Beydhabo.

“Aad ayay u mahadsan tahay dowladda Turkiga, waxqabadkii ay Soomaaliya ka sameysay, sanadkii 2011kamarkii uu yimid R/wasaarahoodii(Kaddib), dadalkii badnaa ee ay sameeyeen waa wax cad, haddii ay waxbarasho tahay, haddii ay caafimaad tahay iyo haddii ay dib-u-dhis tahayba” ayuu yiri Shariif Xasan Sheekh Aadan.

Wuxuu inta ku daray in imaanshaha madaxweynaha Turkiga ay sii xoojin doonto mashaariic horumarineed ooh or leh oo ay ku caawiyaan dadka Soomaaliyeed, isagoo tilmaamay in labada shacab ee Turkiga iyo Soomaaliya ay walaalo yihiin.

Safiirka Turkiga ayaa sheegay in magaalada Beydhabo ay dowladdiisu ay ka sameyn doonto dib u dhis iyo dayactir lagu sameynayo goobo badan oo burbursan.

“Waxyaabaha loo baahan yahay indhaheena ayaan ku aragnay, Madaxweynuhuna wuu noo sharraxay baahiyaha jira, dhawaan waxaad arki doonaan annaggo fureyna ama xarigga ka jareyna mashaariic ay Turkidu ka hirgalisay Beydhabo” ayuu yiri danjiraha Turikaga ee Soomaaliya.

Did you like this? Share it:

LEAVE A REPLY

Please enter your comment!
Please enter your name here