Safiirkii hore ee Soomaaliya u fadhiyay dalka Kenya oo ka hadlay socdaalkiisa ku aadan gobollada dalka “Dhageyso”

1501

Safiirkii hore ee Soomaaliya u fadhiyay dalka Kenya Maxamed Cali Nuur Ameeriko oo socdaal ku maraya qaar ka mid ah dowlad goboleedyada dalka ka jira ayaa sheegay in socdaalkiisa ay la xiriirto sidii uu bulshada u tusi lahaa inay dalka ay ka jirto Nabad, isla markaana ay shacabka isaga kala gooshi karaan meelkasta oo ay rabaan.

Maxamed Cali Ameeriko oo la hadlay Radio Muqdisho ayaa sheegay in muddo 8-sano kaddib markii uu xilka safiirnimada wareejiyay uu socdaal ku tegay dalka dibadiisa oo uu casuumaad ka helay qaar ka mid ah Jaaliyadda Soomaaliyeed ee dalka dibadiisa ku dhaqan, waxaana uu intaa ku daray in markii uu dalka dib ugu soo laabtay uu casuumaad ka helay Madaxweynayaasha dowlad goboleedyada Jubaland, Koonfur Galbeed iyo Puntland.

Safiirkii hore ee Soomaaliya u fadhiyay dalka Kenya ayaa xusay in sidoo kale uu socdaal ku tegi doono deegaannada dowlad goboleedka Galmudug oo uu martiqaad ka helay madaxweynaha Maamulkaasi, waxaana uu ka mahadceliyay sida diiran ee loogu soo dhaweeyay deegaannadii uu socdaalkii ku tegay.

“Waxaan rabaa in dadku ay arkaan in Wadanku uu isbadal ka jiro, isla markaana dadku markii ay wanaag sameeyaan lagu amaano, aniga inta aan socdaalka ku tegay aad ayaan ugu farxay waxa aan ku soo arkay, marka waxaan rabaa in aan bulshada ugu baaqo in laga wada shaqeeyo Nabadda” ayuu yiri Maxamed Cali Ameeriko.

Dhageyso Wareysiga oo dhameystiran

Did you like this? Share it:

LEAVE A REPLY

Please enter your comment!
Please enter your name here