Safiirkii Suudaan u fadhiyey Soomaaliya oo Munaasabad sagootin ah loo sameeyey

783

Safiirkii Dowladda Sudan u fadhiyay Soomaaliya Maxamed yuusuf ibraahim, ayaa waxaa Magaalada Muqdisho loogu sameeyay kulan sagootin ah

Waxaa ka qeyb-galay wasiiro iyo xildhibaano katirsan Baarlamaanka Soomaaliya iyo sidoo kale ardaydii wax kasoo baratay dalka Suudaan.

Wasiir ku xigeenka Wasaaradda Dastuurka Soomaaliya Mudane Xuseen Cabdi Cilmi ayaa u mahad celiyey safiirka la sagootiyey, waxaana uu sheegay in si wanaagsan uu ula shaqeeyey dowladda Soomaaliya mudadii uu xilka hayey.

“Safiirkii hore aadbuu ugu mahadsanyahay sida wanaagsan ee uu uga shaqeeyey xiriirka labada dal iyo sidii loosii wanaajin lahaa, intii uu joogay howl wanaagsan ayuu dalka ka qabtay”ayuu yiri wasiir kuxigeenka Dastuurka Soomaaliya

Safiirka la sagootinayay ee Sudan u fadhiyay soomaaliya  Maxamed Ibraahim Yuusuf ayaa sheegay in wax badan ay u kordheen intii uu ka shaqeynayey Soomaaliya.

“Labada dal ee Soomaaliya iyo Suudaan waa laba dal oo walaalo ah, waxa ka dhaxeeya labada dal waa ka weyn yihiin saaxiibtinimo”ayuu yiri safiirkii hore ee Suudaan ee Soomaaliya.

Ugu dambeyn safiirka ayaa la guddoonsiiyey shahaado sharaf iyo alaabaha Soomaaliya u ah Hidaha iyo Dhaqanka.

Did you like this? Share it:

LEAVE A REPLY

Please enter your comment!
Please enter your name here