Sagaal Ka Tirsanayd Al-Shabaab Oo Lagu Dilay Degmada Maxaas

Ciidanka XDS eek u sugan gobolka Hiiraan ayaa howl gal ay ka sameeyeen agagaarka degmada Maxaas ku dilay 9 qof oo ka tirsanayd maleeshiyada kooxda argagixisada ah ee Al-Shabaab.

Laba Xiddigle, Maxamed Muumumin Saneey, oo ka tirsan saraakiisha ciidanka Xoogga Dalka Soomaaliyeed ee ku sugan degmada Maxaas ayaa sheegay in shalay gelinkii dambe ay ciidanku howl-gallo ka sameeyeen tuulooyin iyo degaanno hoos taga degmada, halkaas oo uu iska horimaad ku dhex maray maleeshiyaad ka tirsanaa Al-Shabaab.

“Ilaa sagaal ka tirsan Al-Shabaab ayaa ku dhimatay dagaalka, kaddib markii ay ciidanka is-hortaageen” ayuu Radio Muqdisho u sheegay Maxamed Muumin.

Ciidanka XDS oo kaashanaya AMISOM ayaa kooxda Al-Shabaab ka saaray degmooyin ka tirsan gobolka Hiiraan oo ay ku sugnaayeen, sidoo kale ciidanka ayaa hadda ku howlan sidii ay meelaha ay ku hareen ee gobolka ka tirsan uga saari lahaayeen maleeshiyaadka argagixisada ah ee Al-Shabaab.

LEAVE A REPLY

Please enter your comment!
Please enter your name here