Sagootin loo sameeyey Safiirka Soomaaliya u fadhiyay wadanka Turkiga “SAWIRRO”

0
2004

Kulan dhex maray wasiirka Arrimaha dibadda Turkiga Mr Mevlüt Çavuşoğlu iyo danjiraha Soomaaliya u fadhiya dalka Turkiga mudane danjire Maxamed Mursal Sheekh Abdiraxmaan .

Kulankaa oo ku saab sanaay sagootin loo sameeynayay safiirka ufadhiya Soomaliya dalkan Turkiga mudane danjire Maxamed Mursal Sheekh Abdiraxman ayaa waxaa uu ka dhacay wasaaradda arimaha dibadda Turkiga halkaa oo uu wasiirku ku marti geliyay safiirk Maxamed Mursal

Kulanka ayaa waxaa kahadlay danjire Maxamed Mursal oo ku amaanay wasiirka arimaha dibadda Turkiga sida huf naanta iyo walaaltinimada ay ku jirto oo ay u soo wada shaqeeyeen waxa uuna uga mahad celiyay wasiirka iyo dhamaan shaacab weynaha Turkiga sida ay marwalba u garab taagan yihiin dalka iyo dadka soomaaliyeed.

Sidoo kale waxaa kulanka ka hadlay wasiirka arimaha dibadda Turkiga Mr Mevlüt Çavuşoğlu oo ku amaanay safiirk Maxamed Mursal sida hufnaanta leh ee ay usooo wada shaqeeyeen iyo sida uu uga shaqeeyay isku xirka dalalka walaalaha ah ee Turkiga iyo Soomaaliya waxa uuna u sheegay waqtigi uu xafiiska joogay in ay u suura gashay soo celinti xiriirka wanaagsan ee hadda ka dhex jira soomaaliya iyo Turkiga .

Wasiirku waxa uu ilahey uga baryay safiirka mustaqbal ifaayo horomar iyo caafimaad waxa uuna ka codsaday in uu sii wada halganka uu ugu jiro sidii Soomaaliya looga saarin lahaa xaaladda ay hadda ku jirto loona gaarsiin lahaay horomar iyo isku filnaansha buuxdo.

Wasiirku waxa uu safiirka ka balan qaaday in ay sii wadi doonaan garab istaaga dalka iyo dadka Soomaaliyeed waxa uuna gudoonsiiyay hadiyad saxan qalin ah ( silver plate) oo laguu soo qorey magacyada Safiirka iyo wasiirka arimaha dibadda .

Waxaa Sidoo kale kulan sagootin ah u sameeyay guddoomiyaha hay’adda TİKA Dr Serdar Çam TİKA waa ha’adda ugu wayn dalka Turkiga waana hay’adda ay hoos imaadaan dhamaan howlaha ay Turkigu ka wado Soomaaliya iyo inta badan dunida daafaheeda.

Danjiraha ayaa aad iyo aad ugu mahad celiyay gudoomiya hay’adda iyo dhamaan howl wadeenada hay’adda sida ay walaal tinimadu ku dheehantahay ay u garab taagan yihiin walaalahooda soomaaliya waxa uuna ka codsaday in ay sii xoojiyaan howlaha ay ka wadaan Soomaaliya

Guddoomiyuha hay’adda TİKA ayaa safiirka ku amaanay sida ay gacanta uga geysatay safaaradda Soomaaliya fududeynta howlaha gargaarka ay gaarsiiyeen walaahooda soomaaliya ayan sii wadi doonaan howlaha ay ka wadaan dalka Soomaaliya.

Guddoomiyuha hay’adda TİKA ayaa safiirka guddoonsiiyay hadiyad qaali ah taa oo ahayd tabeelo ay ku qorantahay aayada ka tirsan quraanka kariimka.

1 2 3 4 5 7 8 9 10

 

Did you like this? Share it:

LEAVE A REPLY

Please enter your comment!
Please enter your name here