Xuska sanad guurada 2-aad ee Jimciyadda SOHEDA oo lagu qabtay Muqdisho “SAWIRRO”

0
1316

Munasabad ay ka qeyb galeen xubno katirsan labada gole ee dowladda federaalka Somaaliya qaybaha kale duwan ee bulashada iyo boqolaal ka tirsan ardayda dhigata iskuulada gacanta ay ku hayso Hey’ada Horumarinta Tacliinta iyo gar gaarka bini’aadanimo ismarkaana lagu xusayey sanad guuradii 2-aad ee ka soo wareegtay markii la aas-aasay hay’adda horumarinta Tacliinta iyo gargaarka bini’aadanimo Soomaaliyeed ee SOHEDA ayaa lagu qabtay hotel SYL ee magaalada Muqdisho.

Hay ‘adda horumarinta Tacliinta iyo Gargaarka Bini’aadanimo ee uu lahaa fikirka hirgalinta hey’adaasi Xildhibaan Yuusuf Xeyle Jimcaale oo ka mid ah mudanayaasha Baarlamaanka Soomaaliya ayaa waxa ay gacanta ku heysaa 39 iskuul oo ay dhigtaan 860 arday.

Munaasabadda ayaa intii ay socotay waxa lagu soo bandhigay filim Decumentry ah oo ka hadlayay waxyaabihii ay qabatay hey’ada labadii sano ee la soo dhaafay.

Guddoomiyihii hore ee gobolka Banaadir Maxamuud Axmed Tarsan iyo C/kariim Xuseen Guuleed wasiirkii hore arrimaha gudaha iyo amniga Qaranka ahna la Taliyaha dhinaca siyaasadda ee madaxweynaha Dalka oo goobta ka hadlay ayaa muujiyay sida muhiim ay u tahay wax barida ubadka Soomaaliyeed ee danta yarta ah iyagoo ammaanay waxqabadka hey’adda SOHEDA.

Xildhibaan Bashiir Caddow oo ka mid ah baarlamaanka Soomaaliya kuna hadlayay magaca Xildhibaannadii ka qeyb galay Munaasabadda ayaa ku booriyay umadda Soomaaliyeed in ay ku daydaan Xildhibaan Yuusuf Xeyle.

Wasiirka beeraha Soomaaliya mudane Axmed Xasan Gaboobe Ugaas Bile oo isna hadal kooban ka jeediyey halkaasi ayaa tilmamay in ardayda Soomaaliyeed ee danyarta ah in wax la baro ay tahay arrin ahmiyad weyn leh.

Wasiirka arrimaha gudaha iyo Federaalka Soomaaliya oo ugu dambeyntii ka hadlay munaasabadda ayaa sheegay in uu bixin doono waxbarashada 100 arday oo lagu biirinayo kuwii horey u dhiganayay skuulada ay gacanta ku heyso hay’adda, islamarkaana Dowladda Soomaaliya ay ka go’antahay tageerida wax kasta oo lagu horumarinayo Tacliinta ubadka Soomaaliyeed.

soheda-1

soheda-2

soheda-3

soheda-4

soheda-5

soheda-7

soheda-8

soheda-9

soheda-10

soheda-11

soheda-12

soheda-13

soheda-14

soheda-15

Did you like this? Share it:

LEAVE A REPLY

Please enter your comment!
Please enter your name here