Saraakiil Ciidan Iyo Maamulka Gobolka Shabelelaha Dhexe Oo Kormeeray Fariisimo Ciidan “SAWIRRO”

Taliyaha Booliska Dowlad Gobaleedka Hirshabeelle Korneel Xasan Dhicisow Xasan Taliyaha qeybta 27aad Ciidamada Xooga Dalka Jeneraal Axmed Maxamed Tareedisho iyo mas’uuliyiinta Maamulka Gobalka Shabeelaha Dhexe ayaa kormeer ku tagay fariisimada ciidanka booliska Hirshabeelle ay ku leeyihiin gudaha magaalada Jowhar iyo koontaroolada laga soo galo magaalada oo muddo laga joogo halsano ay ku wareejiyeen ciidamada Xooga Dalka

Waxaa ay sidookale ay gaareen suuqa lagu iibiyo xoolaha, iyagoo u kuurgalayay Amniga suuqa iyo habsami u socodka ganacsiga xoolaha.

Guddoomiyaha Degmada Jowhar Cismaan Maxamed Muqtaar ayaa sheegay in ciidamada Booliska Hirshabeelle si wanaagsan ay kaga shaqeeyeen amniga muddada sanadka ah ay gacanta ku hayaan amniga magaalada.

Taliyaha Booliska Hirshabeelle Xasan Dhicisow Xasan ayaa sheegay in Amniga Jowhar uu yahay mid aad u wanaagsan, safka horana kaga jirto magaalooyinka amniga leh ee Dalka, ayna sii wadi doonaan u shaqeynta bulshada Soomaaliyeed ee ku nool deegaannada Hirshabeelle.

Taliyaha qeybta 27aad ee Ciidanka Xoogga Dalka Soomaaliyeed Janeraal Axmed Maxamed Tareedisho ayaa sheegay in ciidanka Booliska ah ay kaalintooda ka soo baxeen muddada sanadka ah, waxaana uu sheegay in Degmooyinka kale ay ku wareejiyaan Booliska

Ciidamada Xooga Dalka ayaa horay Degmooyinka Warsheikh iyo Jowhar ugu wareejiyay sugidda amniga ciidamada Booliska Hirshabeelle, iyadoo hada magaalooyinkaasi amnigooda ay yihiin kuwa aad u wanaagsan

 

LEAVE A REPLY

Please enter your comment!
Please enter your name here