Saraakiil ciidan oo loo soo xiray tababar la xiriira ilaalinta canshuuraha “SAWIRRO

Taliyaha ciidanka ilaalada canshuuraha Galmudug Gaashaanle Dhaxe Aadan Urur Cabdi ayaa maanta tababar la xiriira hanaanka ilaalinta canshuuraha u soo xiray ciidamo ka tirsan ilaalinta canshuuraha, kuwaas oo maalmihii u dambeeyay tababar uga socday magaalada Gaalkacyo.

Xiritaanka tababarka oo ay goob joog ka ahaayeen saraakiil ka tirsan ciidanka booliska Gobalka Mudug ayaa waxaa ugu horeyn ka hadlay Taliyaha qeybta booliska Gobalka Mudug Gaashaanle Dhaxe Qaasim Sheekh-doon Cali, waxaana uu kula dar daarmay ciidanka tababarka la siiyay gudashada waajibka iyo ku dhaqanka casharada ay barteen.

Taliyaha ciidanka ilaalinta canshuuraha ee ciidanka booliska Galmudug Gaashaanle Dhaxe Aadan Urur Cabdi ayaa sheegay in ciidanka ay xoogga saaraan laba arrimood oo kala ah sugidda Amniga iyo ilaalinta daqliga canshuuraha, isagoo dhanka kale ku wareejiyay Taliska qeybta booliska Gobalka Mudug buugaagta sharuucda ciidanka booliska iyo xeerka ilaalinta canshuuraha.

Wariye Cabdirisaaq Maxamed Axmed Galkacyo   

LEAVE A REPLY

Please enter your comment!
Please enter your name here