Saraakiil howl gab ah oo lagu xiray Turkiga kadib markii ay diideen in wax laga bedelo dastuurka dalkaas

Booliska dalka Turkiga ayaa soo xiray 10 sarkaal oo howlgab ah, kadib markii ay saxiixeen warqad looga soo horjeedo in dastuurka dalkaas wax laga beddelo.

Xeer ilaalinta  guud ee Turkiga ayaa u yeertay  4 sarkaal oo kale  si wax looga weydiiyo warqadda ay saxiixeen .

103 sarkaal ayaa saxiixay bayaan loogu baaqayo xukuumadda dalkaas inay dib uga laabato hirgelinta mashruuca kanaalka Istanbul iyo in is bedel lagu sameeyo dastuurka dalka Turkiga.

Bayaanka ayaa lagu sheegay in mashruuca kanaalka Istanbul ka hor imaanayo heshiiskii Montreux ee isticamaalka  marinnada biyaha Turkiya.

Wasiirka arrimaha dibadda ee dalka Turkiga Mowliid Jaawiisha Oglo ayaa bayaanka ku tilmaamay mid u gogol xaaraya afgenbi, wuxuuna intaas ku daray in kanaalka cusub uusan saameyn ku yeelan doonin heshiiskii Montreux ee ku saabsanaa maraakiibta mareysa biya mareenada dalka Turkiga.

LEAVE A REPLY

Please enter your comment!
Please enter your name here