Saraakiisha Maxkamadda Darajada 1aad ee ciidamada qalabka sida qeybta 27aad oo si diiran loogu soo dhaweeyay Doolow “SAWIRRO”

Maxkamadda Darajada 1aad ee ciidamada qalabka sida qeybta 27aad ayaa safar shaqo u tegay Degmada Doolow ee Gobalka Gado, halkaasi oo ay si diiran ugu soo dhaweeyeen saraakiisha ciidamada qalabka sida ee Gobolka ku sugan, maamulka Gobolka iyo xubno kale.

Sarakiisha Maxkamadda ee gaaray Degmada Doolow waxaa hogaaminayay Guddoomiyaha Maxkamadda Darajada 1aad qeybta 27aad ee Ciidamada Qalbka sida Gaashaanle Maxamed Amiin Cabdulle Aadan.

Saraakiisha ka socota Maxkamadda darajada 1aad ee ciidamada qalabka sida qeybta 27aad ayaa u jeedka socdaalkooda la xiriirtaa maxkamadeynta askar dilal ka geystay Degmooyinka Doolow, Belad Xaawo iyo Luuq oo ka wada tirsan Gobolka Gedo.

Sidoo kale saraakiisha ayaa inta ay ku suganyihiin degmooyinka Gobalka Godo waxa ay kormeeri doonaan farumaha ciidanka, si loo dhiiri geliyo ciidamada qalabka sida ee ku sugan furumaha dagaalka.

LEAVE A REPLY

Please enter your comment!
Please enter your name here