Sare u kac ku yimid qiimaha lakala siisto Kalluunka “SAWIRRO”

Kawaanka Kalluunka Degmada Xamar weyne ayaan oolin maanta kalluun fara badan  waxaana laga dareemayay kallun yari,  iyadoo  ganacsatada kalluunka iyo dadka iibsada ay kuu sheegayaan inay tahay sara u kaca ku yimid qiimaha kalluunka.

 

Kawaanka Kalluunka Degmada Xamar weyne ee Gobolka Banaadir oo lagu iibiyo kalluunka noocyadiisa kala duwan ayaa waxaa looga yimaadaa  si looga iibsado kalluunka  Degmooyinka Gobolka iyo qaar ka mid ah Gobolada, waxaana laga dareemayaa  sara u kac ku yimid qiimaha  la kala iibsado kalluunka,  taasi oo sabab u ah  dabeylo ka kacay badda gudaheeda  oo aan awoodin  doomaha kalluumeysiga in si fudud ay ugu soo jalaabtaan kallunka xeebaha Soomaaliya oo ay kala kulmaan  caqabado dhinaca  Kallumeysiga ah.

Doomanka iskaashatada kalluumeysatada ayaa sheegay in xilliyada dabeylaha ay ka kacaan  iyo cadada bisha marka la gaaro ay  kala kulmaan  jalaabashada kalluunka  dhibaatooyin aad u fara badan, waxeyna tilmaameen in mararka qaar ay doonta  rogmato dabeylaha xoogan iyo muujadaha ku dhufta doonta awgeed,  isla markaana aysan awoodin in meelahii horay ay ugu soo jalaaban jireen ay gaaraan.

Kalluunka ayaa waxaa laga isticmaalaa dalka Soomaaliya gaar ahaan magaalada Muqdisho waxaana sara u kaca ku yimid qiimaha kalluunka uu yahay mid aad baahsan sida ay sheegeen qaar ka mid ah kalluumeysatada halkii xilliyadii  hore qiimaha  kalluun uu ahaa 5$ doolar ayaa  hada waxa uu ka joogaa 30$ doolarka Mareykanka

Qaar ka mid ah kalluumeysatada ku ganacsada  kawaanka kalluunka ee degmada Xamar weyne  ayaa  sheegay in saameynta ugu weyn ay tahay dabeylo xoogan oo kacay awgeed.

Xilliyadaan oo kale marka ay ka kacaan dabeylaha ayaa waxaa yaraada wax soo saarka badda, taasi oo saameyn ku yeelata  kalluumeysata ka ganacsada iyo dadka ka macaasha kalluunka intuba.

Muuse Cismaan Abtow

Did you like this? Share it:

LEAVE A REPLY

Please enter your comment!
Please enter your name here