Ciidamada ammaanka oo hub ka soo saaray masjid ku yaal degmada Yaaqshiid+Sawirro

0
11344

Ciidamada Booliska Soomaaliya ayaa Howlgal ay maanta ka sameeyeen Masjid ku yaala degmada Yaaqshiid ee Magaalada Muqdisho ku soo qabtay Huba lagu dhex qariyay Masjidka iyo labo qof oo arriintaasi ku lug yeeshay.

Taliyaha Ciidanka Booliska Saldhigga Degmada Yaaqshiid Gaashanle Dhexe Maxamed Yuusuf Nuur, ayaa sheegay in hubka lagu dhex qariyay Minaaradda Masjidka, ayna ku soo wargaliyeen Booliska dadweynaha ku nool Xaafadda.

“Bulshada ayaa Xog ka helnay, waxaan baarnay Masjidka, markii aan furnay qeybta Minaaradda ee masjidka ayaan ku haragnay Hub, waxana soo xirnay labo qof oo arrintaan loo heysto”ayuu Yiri Taliyahay Saldhigga.

Taliyaha Qeybta Guud ee Booliska Gobalka Banaadir Gashale Sare Bishaar Abshir Geeddi, ayaa sheegay in Hubkaasi uu ahaa mid qeyb ka ah Dilalka iyo amni darada ka dhacda magaalada Muqdisho.

“Baaristu wali wey socotaa, hubkaani waa kan dadka muqdisho lagu laayo dadka Soomaaliyeed qeybna ka ah dilalka qorsheysan iyo amni darada Magaalada, ciidamada Booliskuna wuxuu u taaganyahay 24 saac in ay qatarta Argagixisada ka difaacaan shacabkooda”

Ciidamada Booliska Soomaaliyeed ayaa xoojiyay Howlgalka lagu sugayo amaanka magaalada Muqdisho, si looga hortago isku day kasta oo ka imaan kara kooxda Al-shabaab.
13625115_10205291395444616_1384485410_n

13625325_10205291399524718_716564137_n.png

13618177_10205291404244836_301829887_n.png

13608145_10205291403644821_1396110936_n.png

 

Did you like this? Share it:

LEAVE A REPLY

Please enter your comment!
Please enter your name here