Sawirro: Madaxweynaha dawlad goboleedka Puntland oo Xafiiskiisa ku qaabilay Wakiilka Midowga Yurub u qaabilsan Soomaliya

4617

Madaxweynaha dawlad goboleedka Puntland Dr. Cabdiweli  Maxamed Cali Gaas ayaa maanta 01 Oct, 2016 Qasriga Madaxtooyada maamul goboleedka Puntland ee Garoowe ku qaabilay wakiilka midowga Yurub u qaabilsan Soomaaliya Ambassador Michel Carvone.

Kulanka ayaa waxaa Madaxweynaha ku wehelinayey Wasiirka Qorshaynta iyo Xiriirka Caalamiga ah ee maamul goboleedka Putland Shire Xaaji Faarax iyo Agaasmiha guud ee Madaxtooyada Putland Deeq Saleebaan Yuusuf waxaana looga hadlay sidii loo sii dar-dargelin lahaa mashaariicda horumarineed ee uu midowga Yurub ka fuliyo Puntland oo ay ka mid tahay barnaamijyada caafimaadka, dhismaha iyo dib u dayactirka waddada isku xirta Garoowe iyo Gaalkacyo iyo mashaariico kale oo tiro badan oo midowga Yurub uu ka fuliyo Puntland.

Wakiilka midowga Yurub u qaabilsan Arrimaha Soomaaliya Ambassador Michel Carvone ayaa maamulka Puntland ku ammaanay sida ay uga faa’iidaysaneyso mashaariicaha horumarineed ee uu midowga Yurub ka fuliyo Puntland, isla markaana waxa uu sheegay in ay sii wadi doonaan taageeradooda ay la garab taagan yihiin Puntland.

Michel Carvone ayaa mar uu ka hadlayey arrimaha Soomaaliya iyo hannaanka doorashooyinka dadban ee dalka ka qabsoomi doona dhawaan waxa uu ku bogaadiyey dawlad goboleedka Puntland sida ay uga go’antahay in dalka Soomaaliya uu hore u socda iyo in la helo dawladnimo Soomaaliyeed oo cageheeda isku taagta.

Dhinaca kale Madaxweynaha Puntland Dr. Cabdiweli Maxamed Cali Gaas ayaa uga mahadceliyey midowga Yurub taageeradooda lixaadka leh ee ay la garab taaganyihiin Puntland, isla markaana waxa uu intaa sii raaciyey in ay dawladda Puntland ka faa’iideysanayso dhammaan mashaariicahaasi.

Madaxweynaha ayaa sidoo kale sheegay in ay ambassadorka  kawada hadleen arrimaha Soomaaliya gaar ahaan arrimaha la xiriira geeddi socodka doorashooyinka dadba, iyadoona uu Madaxweynuhu xusay in dhammaan heshiisyadii ay dhawaan madasha wadatashiga qaranku  wada saxiixday ay Puntland sidii loogu heshiiyey uga wada hirgeleyaan xilligi loogu talo galay.

Ugu dambayn Madaxweynaha dawladda Puntland Dr. Cabdiweli Maxamed Cali Gaas ayaa Midowga Yurub ku ammaanay dadaalka ay ugu jiraan sidii ay Soomaaliya ula soo laaban lahayd dawladnimadii iyo qarranimadeedii, iyadoona uu Madaxweynuhu meesha ka saaray in aanay Puntland aqbali doonin in wax dib u dhac ah oo dambe lagu sameeyo doorashooyinka dadban.

—DHAMMAAD—

XAFIISKA WARFAAFINTA, WACYIGELINTA, HIDDAHA IYO DHAQANKA EE MADAXTOOYADA PUNTLAND.

2222 222 111 unnamed

Did you like this? Share it:

LEAVE A REPLY

Please enter your comment!
Please enter your name here