C/kariim Xuseen Guuleed oo musharaxnimadiisa maanta ku dhawaaqay “SAWIRRO”

3684

Munaasabad maanta lagu qabtay magaalada Cadaado ee gobolka Galguduud ayaa waxaa ka qeybgalay odayaasha dhaqanka ee ka kala yimid degmooyinka gobollada Mudug iyo Galguduud, mas,uuliyiinta maamulada Ximan iyo Xeeb, Galmudug, Ahlu Suna waljamaaca iyo mudanayaal katirsan Baarlamaanka Federaalka Soomaaliya, waxaana si rasmi ah musharaxnimadiisa maamulka gobollada dhexe kusoo bandhigay Wasiirkii hore ee arrimaha gudaha iyo amniga mudane C/Kariim Xuseen Guuleed.

C/kariim Xuseen Guuleed oo munaasabadda ka jeediyay khudbad ku aadan waxqabadka uu doonayo inuu ka fuliyo gobollada dhexe hadii loo doorto xilka madaxweyne waxaana uu sheegay inuu xooga saari doono qodobadan.
.Soocelinta amniga iyo kala dambeynta
.Xoreynta deegaanada weli gacanta ugu jira Argagaxisada
.La dagaalanka Burcadbadeeda
.Dib u heshiisiin ka dhaqan gasha degmo ilaa heer tuulo
.Soo dhisida xukuumad tayo leh oo wax ka bedesha xaaladda gobollada dhexe
.Caafimaad ku baahsan dhamaan deegaanada maamulka
.Sare u qaadida waxbarashada
.Horumarinta xuquuqda aadanaha iyo gacan siinta dadka laga tirada badanyahay

Nabadoon Maxamed Xassan Xaad oo ka mid ahaa odayaashii kulanka a hadlay ayaa sheegay in C/kariim Guuleed barnaamijka siyaasadeed ee uu soo bandhigay uu yahay mid wax badan ka bedeli kara xaaladda gobollada dhexe.

Xildhibaan Cabdi Maxamed Abtidoon oo kamid ah xunaha baarlamaanka Soomaaliya ayaa ku tilmaamay mudane Cabdikariim Xuseen Guuleed muwaadin horumarin ku sameyn kara gobollada Mudug iyo Galguduud.
Ugaas Maxamed Bashiir o ku hadlayay magaca dhaqanka Soomaaliyeed ayaa ku amaanay musharaxa cusub inuu kaalin weyn ka qaatay intii lagu gudo jiray burburka waxbarida dhallaanka Soomaaliyeed.

DSC_0168DSC_0189DSC_0121

DSC_0188DSC_0120DSC_0065DSC_0098DSC_0196DSC_0246DSC_0257DSC_0255

 

Did you like this? Share it:

LEAVE A REPLY

Please enter your comment!
Please enter your name here