“Sawirro”Madaxweynaha oo furay shirka wada_tashiga dowlada dhexe iyo dowlad goboleedyada

0
2135

Madaxweynaha dowladda federaalka ah ee Soomaaliya mudane Xassan Sheekh Maxamuud ayaa maanta magaalada Garoowe ku daah furay wajiga labaad ee shirka wada tashiga Dawladda federaalka ah iyo dawlad-goboleedyada xubnaha ka ah, waxaana kasoo qeybgalay madaxweynayaasha Puntland,jubbaland, iyo koonfur galbeed. waxaa kaloo shirka goob joog ka ahaa  wafuud ay kala hogaaminayeen madaxweynayaasha madasha ku sugan,

Shariif Xassan Sheekh Aadan madaxweynaha maamulka koonfur galbeed oo shirkaas ka hadlay ayaa yiri.

Dadka Soomaaliyeed meel kasta oo ay joogaan Al_ Shabaab ayaa dhibaato ku haya, waxaan rajaynayaa sidii Shabaab lagu cirib tiri lahaa oo ay bulshada Soomaaliyeed uga wada qeyb qaadan lahaayeen inay madashaan kasoo baxdo, haddii taas la gaari waayo waxaa imaanaysa in dhibaatada shabaab ay sii xoogeysato, dhibaatadaasna ay noqoto mid aan laga soo kaban doonin.

Axmed Maxamed islaam Axmed Madoobe madaxweynaha maamulka Jubba ayaa yiri”

Aad baan ugu faraxsanahay inaan isku imaano oo aan ka wada tashanayno arrimaheena, inagoo ka madax bannaan dawlado kale, waxaan rajaynayaa in shirkaan uu noqdo mid taariikhi  ah oo natiijo wanaagsan ay kasoo baxdo.

Madaxweynaha Puntland C/ wali Maxamed Cali Gaas oo khudbad ka jeediyey shirka ayaa yiri.

Inaga halku dhiggeena ayaa ahaa Puntland ha isku tashato haddana waxaan leenahay Soomaaliya ha isku tashato, cid Soomaali wax ka dhigaysa iyo cid dawladnimo ugu maqan ma jirto, wax aynaan inagu sameysan wax aynaan inagu isugu imaan wax aynaan inagu ka tashan wax aynaan waqti badan iyo juhdi ku bixin oo noo soo baxaa ma jiraan.

Madaxweynaha jamhuuriyadda Federaalka ah ee Soomaaliya Xasan Sheekh Maxamuud ayaa khudbad dheer uu shirka ka jeediyey waxa uu kaga hadlay arrimo dhowr ah oo ku saabsan xaaladda Soomaaliya .

Madashaan waxaa loogu talo galay in soomaalidu ay arrimohooda uga wada hadlaan oo ay wax isku weydiiyaan, laakiin maahan shir dano gaar ah laga leeyahay ama ay cid gaar ah wadato. waxyaabaha Soomaalida oo dhan quseeya in looga wada hadlo ayaa loogu talo galay.

Madashaan waxay kaabaysaa in la helo dawlad dhexe ee Soomaalidu ay wada ogtahay waxa ay qabanayso, dalkaan koox kaliya kama taliso

New Deal-ka qaabka uu hadda u socdo maahan mid ay danta Soomaaliyeed ku jirto, beesha caalamku wax ku mahadsanyihiin ballan qaadyada ay bulshada  Soomaaliyeed u fidiyeen, balse  waa inaan helnaa wixii naloo ballan qaaday,  baahida Soomaaliya ka jirta weyntahay iskuul ladhiso, waxaan u baahanahay dib u dhis baaxad leh, waxaan u baahannay Maalgelin dhaqaale waxaan u baahannay shaqo abuur iyo xirfado kala duwan oo dadka la baro.

Caqabadda koowaad ee dalka ka jirta maantay waa Amniga oo nooga baahan inaan tallaabo ka qaadno. Amniga meel fiican ayaa lasoo gaarsiiyey maanta shabaab hadday shalay meelo badan xukumi jireen maanta dhuumaaleysi bay ku jiraan,inay hoteelada qarxiyaan iyo baabuurta halkaas ayey marayaan waana lasii wadi doonaa.

Ciidamada qalabka sida inaan sii hormarinno ayaa nalaka rabaa, ciidamada qalabka sida oo ah astaan Qaran oo Soomaaliya oo dhan ay wada leedahay.

IB0A9320 IB0A8716 IB0A8792 IB0A8795 IB0A8903 IB0A9042 IB0A9055 IB0A9162 IB0A9308

 

 

 

 

 

 

Did you like this? Share it:

LEAVE A REPLY

Please enter your comment!
Please enter your name here