S/guud Bashiir “marnaba raali kama noqon doonno in lagu xadgudbo Maxbuus”

0
449

Taliyaha Ciidanka Asluubta Soomaaliyeed Sarreeye guud Bashiir Maxamed Jaamac  Keynaan oo ay wehliyeen ku xiggeenadiisa, Taliyaha Xabsiga dhexe iyo Saraakiil kale, ayaa maanta mid mid u booqday qolalka ay ku xiran yihiin Maxaabiista Xabsiga dhexe ee Xamar ku xiran, Goobaha ay wax ku bartaan iyo qeybta Haweenka.

Taliyaha, ayaa waxa uu u kuur galayey sida ay tahay nolosha Maxaabiista, waxaana uu la sheekeystay qaar kamid ah Maxaabiista, xog wareysi dheer ayuuna  la yeeshay si uu wax badan uga oggaado darruufahooda gaarka ah.

Sarreeye guud Bashiir Maxamed Jaamac, Taliyaha Ciidanka Asluubta Soomaaliyeed, ayaa sheegay marnaba aysan raali ka noqon doonin in lagu xadgudbo Maxbuus, ayna dhowaan Xabsiga dhexe ee Xamar iyo Xabsiyada kale ee dalka  u dhameystiri doonaan waxyaabaha Nolosha aadanaha muhiimka u ah ee ka dhiman.

“Qof xiran oo xoriyad aan heysan intaas ayaa ugu filan dhibaato, marnaba raali kama noqon doonno in lagu xadgudbo Maxbuus, Waxaan ku dadaaleynaa siddii Xabsiga aan ugu dhameystiri laheyn waxyaabaha nolosha aadanaha aasaasiga u ah” ayuu yiri S/guud Bashiir Maxamed Jaamac.

Did you like this? Share it:

LEAVE A REPLY

Please enter your comment!
Please enter your name here