Shabaab oo miinooyin ku qarxiyay Ceelashii biyaha ee deegaanka Ceelbaraf

Maleeshiyaad ka tirsan kooxda al-shabaab ayaa Miinooyin ku qarxiyay Ceelashii biyaha ay ka cabi jireen Dadka iyo Xoolaha Deegaanka Ceel baraf ee Gobolka Shabeellada dhexe.

Wakaaladda Wararka Soomaaliyeed ee SONNA oo ay la soo xariireen Dadka Deegaanka Ceel baraf ayaa sheegaya in Maliishiyadda Al-shabaab ay Xalay Miinooyin ku qarxiyeen laba Ceel Biyood ay ka cabi jiree Dadka iyo Xoolahaba, waxayna ku tilmaameen inuu yahay falkaasi mid arxan darro ah oo ka baxsan Islaannimada ka sokoow xagga bininaadannimada.

Deegaanka Ceel baraf ayaa waxaa saldhig Ciidan ku leh Ciidamada AMISOM, hase yeeshee Ceelasha ay Maleeshiyada alshabaab qarxiyeen ayaa ku yaalla duleedka Magaalada.

Maleeshiyaadka Alshabaab ayaa waxay horey u gubeen Deegaanno fara badan oo ay ka mid ahaayeen bud-bud,galcad, Ruun nirgood iyo kuwa kale oo badan, waxay kaloo gubaan Ceelasha Biyaha.

LEAVE A REPLY

Please enter your comment!
Please enter your name here